ЗЕЛЕНИН Дмитрий Константинович (21.10.(2.11.) 1878, Люк черкогурт, Сарапул уезд Вятка губ., али Завьялово ёрос, УР, — 31.8.1954, Ленинград), этнограф, фольклорист, диалектолог, СССР-сь Наукаосъя Академилэн чл.-корреспондентэз (1925), Болгариысь Наукаосъя Академилэн академикез (1946).

1904 арын Юрьев, али Тарту, университетэтэз быдэстиз. 1916 арысен Харьков университетлэн зуч кылосъя профессорез, 1925 арысен Ленинград ун-тын этнографияя кафедраен кивалтись. Зуч вераськетъёс но калык поэзияя валтись ужъёсыз 1900–15аръёсы печатламын. Этногрфияя бадзым ужъёсыз шунды пуксёнпал славянъёслэн материальной культуразылы но инмарлы осконъёссылы сиземын. Шаертодон (краеведение) удысъя З. эскериз Вяткапал улосэ зучъёслэсь вуэмзэс но волмемзэс, вераськемзылэсь портэмлыксэ, фольклорзэс. Удмурт, мари, башкир калыкъёслэс улон-вылонзэс эскеронэз паськытатон-муратон сярысь но сюлмаськиз. Со вал Сарапулын музей кылдытисьёс (1909) полысь огез.

Со пусъемын Труд. Кр. Знамя орденэн, СССР-сь Наукаосъя Академилэн 2 зарни медаленыз но 2 премиеныз, Зуч географическй обществлэн (РГО) 2 зарни но 1 азвесь медальёсыныз.

Ужъёсыз: Кама и Вятка: Путеводитель и этнографическое описание Прикамского края. Юрьев, 1904; Принимали ли участие финны в образовании великорусской народности? //Сборник ЛОИКФУН. Вып.1. Л., 1929; Что такое воршуд? //Микроэтнонимы удмуртов и их отражение в топонимии. Ижевск, 1980.

Лит.: Васина А.И. Учёный-патриот //Слово о земляках. Ижевск, 1965; Проблемы славянской этнографии: К 100-летию со дня рождения члена-корреспондента АН СССР Д.К. Зеленина. Л., 1979.

Л.С. Христолюбова.

 

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э