ВЛАДЫКИН Владимир Емельянович (в. 20.3.1943, Можгакар, УАССР), этнограф, истори наукаосъя д-р (1991), проф. (1992), наукаын Удмуртилэн дано ужасез (1989), Удмуртилэн элькун премиезлэн лауреатэз (1995), Венгрилэн Наукаосъя Академиезлэн Этнографияя дэменлыкезлэн (1985) но Финляндиысь Финн-угор дэменлыклэн/ об-волэн (1991) дано кунсьор ёзчизы. 1966 арын МГУ-эз но отын ик аспирантураез йылпумъяса, УдНИИ-ын ужаз, 1972 арысен – Удмурт университетын доцент, 1988 арысен кафедраосын (огъя историяя, шор дауръёслэн историзыя, али – этнографияя) кивалтись. 1974/75 аре Берлин ун-тетын стажировка ортчиз.

Эскероно ужпумъёсыз: удмурт калыклэн кылдэмез но азьланьскемез, вашкала дауръёсы инмарлы осконъёсыз но дуннеез валамез, кылем дауръёсы удмурт калык сярысь гожъямъёсты эскерон-чаклан. Печатлам ужъёсыз 200-лэсь ортчемын, англи, немец, венгер, финн, эстон, мари, коми, япон кылъёсы берыктэмъёсыз вань. Наукаосъя 11 кандидатъёс дасяз ни.

Владыкин – удмурт но зуч кылын гожъясь кылбурчи, Россииысь писательёслэн союззылэн (1993), Финляндиысь Лит-рая об-волэн (1992) ёзчизы. Кылбуръёсын «Марлы кырза тюрагай?»–«Отчего поёт тюрагай?» (1980) но эссеосын «Йыбырскон»=«Благодарение» (1992) книгаослэн авторзы. Удмурт фольклоръя «Зарни крезь»=«Золотые гусли» 6 книгаослэн редакторзы.

Ужъёсыз : К вопросу об этнических группах удмуртов//Сов. этнография. 1970; Религиозно-мифологическая картина мира удмуртов. Ижевск, 1994; Ми – удмуртъёс. Зечесь-а?! Ижевск, 1996; Этнография удмуртов: Учебное пособие. 2-е изд. Ижевск, 1997 (В соавт.); Мон: О себе и других, о народах и Человеках, и… Ижевск, 2003.

Лит.: Богомолова З.А. Отчего поёт тюрагай?// Как эхо долины родной. Ижевск, 1983; Этнос – Культура – Человек. Материалы международной научной конференции. К 60-летию доктора исторических наук, профессора В. Е. Владыкина. Ижевск, 2003. С. 3–75.

Л.С. Христолюбова.

 

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э