ВАД (Lutra lutra ; зуч сямен выдра речная), лулосъёслэн сьось лёгетысьтызы сёр динь выжыысь йол нонись пойшур. Мугорыз кузь, 1 м-озь, быжыз динь палаз зок, йылаз векчиомыса мынэ. Пыдъёсыз вакчиесь, уян дыжъёсын. Гонэз чилясь, тыбырыз пеймыт-курень, кот урдэсъёсыз коня ке югытгес, кот улыз азвесьпыръем-курень. Пумиське Евразиын но уйпал - шунды пуксён пал Африкаын. Ожытэн пумиське Удмурт элькунлэн вань ёросъёсаз. Улэ чорыген узыр тэльти бызись шуръёслэн ярдуръёсаз. Яратэ чаляк бызись вуосын толалтэ кынмисьтэм интыосты. Чемгес сие чорыг, шергес –музъемын-вуын улисьёсты, кисло-куслоосты, шыр выллем йырйиськись лулосъёсты. Пиосыз 2 – 4 кузя вордисько шур оръяськем бере. Куэз дуно лыдъяське, но ожыт луэменыз кутылыны лицензияя гинэ яра.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э