Удмурт Элькунысь Йќскалык музей,

1920-тћ арын шуркынмон толэзе интыысь улосвылъя Ижевской музей выллем кылдытэмын, 1929–34-тћ аръёсы – Вотской автономной улосвыллэн шаретодонъя областной музеез, 1935–47-тћ аръёсы – УАССР-ысь шаертодонъя музей, 1947–95-тћ аръёсы – Удмурт Элькунысь шаертодонъя музей, 1995-тћ арысен пќсьтолэзьысен – Удмурт Элькунысь Йќскалык музей.
УЭЙ м.-лэн экспозициосыз пќртэм дыре пќртэм интыын возиськизы: 1920–26-тћ аръёсы – национализированной лютеранской кирхаын (Советская урамын Красная но Карл Маркс нимо урамъёс вискын), 1931–32-тћ аръёсы – Александро-Невской соборын, 1932–37-тћ аръёсы – Михайловской соборын, 1937–39-тћ аръёсы – К. Маркс нимо ульчаысь 23-тћ номеро юртын. 1939-тћ арысен куарусён толэзьысен музейлэн коллекциосыз Сарапулысь шаертодонъя музее нуэмын (Певомайской урам, 68-тћ номеро юрт). 1945-тћ арын музей понна Ижкарын юртъер висъямын (Ленин урамысь 180-тћ номеро юрт, 1970-тћ арысен – Сивковлэн урамаз). 1970-тћ арысен музей Арсеналлэн юртъераз (жкарысь пыџал лэсьтон заводлэн) интыямын. Музейлэн азинсконаз туж бадњым юрттэт директоръёсыз: А. М. Филимонов (1920–22-тћ аръёс), К. П. Чайников – Кузебай Герд (1925-тћ арысен инвожо толэзьысен 1926-тћ арозь куарусён толэзёзь), М. И. Ильин (1926–32-тћ аръёс), Т. А. Шилова (1982–97-тћ аръёс).
Этнографической но антропологической материал бичанъя нырысетћ экспедиция Кузебай Гердлэн кивалтэмез улсын 1926-тћ арын Вавож ёросысь Малиновка гуртын радъямын, 1930-тћ арын та выллем экспедициос, Москваысь но Ленинградысь тодосчиослэн пыриськеменызы, Пичи-Пурга, Можга но Глазов ёросъёсын ортчытэмын вал. 50-тћ аръёслэн шор вадесысенызы кутскыса музей арлы быдэ 3–5 экспедициос радъялляз – археологической, этнографической, историческо-бытовой, естественно-научной но мукет. 1997-тћ ар азелы 1-тћ толшор толэзьлы УЭЙ м.-лэн инъет фондаз 131 434 возён единица лыдъяське вал. Туж дуно луо удмурт калыклэн археологиезъя но этнографиезъя люкам арбериос, 19–20-тћ дауръёсысь гурт но кар улонысь котыр; Ижкарын но тужгес но умойёсаз западно-европейской фирмаосын лэсьтэм пыџал-тћрлыкъёс – пќйшуран но огшоры пыџалъёс; бадњым калибрен кузь гумыё пыџалъёсын коллекция; промышленностьлэн, гурт хозяйстволэн, калык дышетонлэн, тазалык утёнлэн историзыя фотографиосын но ужкагазъёсын люкам коллекция; тодмо шаерчиосмылэн асьсэ киын люкам (личной) фондъёссы; Быдњым Отечественной ожгаръя материалъёсын коллекция; удмурт суредасьёслэн но скульпторъёслэн произведениоссы.
1970–84-тћ аръёсы Арсеналлэн юртъераз (Коммунаръёслэн урамысьтызы 287-тћ номеро юрт) улосвыллэн историезлы сћзем экспозиция ужаз. 1989-тћ арын Г. Д. Красильников писательлэн квартира-музеез кылдытэмын (Ижкарысь М. Горькийлэн урамысьтыз 45-тћ номеро юртын). 1984-тћ арысен Удмурт Элькунысь Завьял ёросысь Ильинка гурт дорын усьтэмы инбам улын Архитектурно-этнографической музеез лэсьтон мынэ. УЭЙ м.-лэн Удмуртилэн ёрос шоръёсаз но мукет каръёсаз трос филиалъёсыз усьтэмын: 1968-тћ арын – Глазов карлэн шаертодонъя музеез (1992-тћ арысен музей ас кожаз каремын, 1997-тћ арысен пќсьтолэзьысен – Удмурт Элькунысь «Иднакар» нимо историко-культурной музей-заповедник); 1972-тћ арын Воткинск карлэн шаертодонъя музеез (1994-тћ арысен ас кожаз каремын, Воткинскысь шаертодонъя музей); 1978-тћ арын – Ува посёлокын «Декоративно-прикладной искусствоя» музей; 1979-тћ арын – Можга карын «Удмурт калык творчество» нимо музей; 1990-тћ арын – Кизнер посёлоклэн шаертодонъя музеез (1996-тћ арысен – ас кожаз каремын, ёрос музей); 1978-тћ арын – Алнашысь огазеям историко-литературной музей (1991-тћ арысен – УЭЙ м.-лэн филиалэз, кудаз куинь музей пыремын: нырысетћез – Ашальчи Окилэн Мемориальной музей-коркаез, 1987-тћ арын усьтэмын со коркан, кудаз 1952–73-тћ аръёс џоже тодмо кылбурчи улћз – 500-лэсь трос арбери люкамын; 2-тћез – Г. Д. Красильниковлэн Мемориальной музей-коркаез – Алнаш черкогуртысь Красильниковлэн урамысьтыз 16-тћ номеро юрт, 1989-тћ арын усьтэмын со коркан, кудаз 1959–63-тћ аръёсы гожъяськись улћз – 300-лэсь трос арбери люкамын; 3-тћез – Историко-краеведческой отдел, 1987-тћ арын усьтэмын вал Удмурт Элькунысь изобразительной искусствоосъя музейлэн филиалэз выллем. Адњытоннилэн быдњалаез 112 м2); 1998-тћ арын – Вавож ёросысь Гурезь-Пудга гуртын Кузебай Гердлэн музеез.
Лит-ра: Республиканский краеведческий музей: Путеводитель. Ижевск, 1972; Вопросы истории и культуры Удмуртии. Ижевск, 1986; Удмуртия: новые исследования. Ижевск, 1990.