Удмурт Элькынысь Йќскалык книга возённи,

элькунысьтымы печатлам произведеносты бадњым возённи, научной, информационно-библиографической но методической центр Удмурт Элькунысь вань сќзнэтъёсысь но ведомствоосысь книга возённиос понна. Усьтэмын 1918-тћ арын 15-тћ куартолэзе, 1934-тћ арозь заводской офицерской ожгар люкамлэн (собранилэн), Ижевскысь Нагорной но Шурсьќр (Заречной) огъя книга возённиослэн, Калык юртлэн но ревизированной частной люкамъёслэн фондъёссы вылын кылдытэм Шор кар книга возённи нимаськиз. 1934-тћ арысен Элькынысь научной универсальной книга возённи, 1936-тћ арысен книга возённилы А. С. Пушкинлэн нимыз сётэмын, 1957-тћ арын 27-тћ шуркынмон толэзе УАССР-ысь министръёслэн Кенешсылэн Президиумезлэн пуктэмезъя, йќскалык книга возённи статус сётэмын. «Книга возённиысь ужъёсты автоматизировать карон», «Удмуртия сярысь тодэ ваёнъёс» (йќскалык библиографиез, шер пумиськись но дуно луись ужкагазъёсты, Удмуртилэсь огъя йќскалык фондзэ люкан но утён) целевой программаосъя ужа. Книга возённилэн пуштросаз 20 люкетэз (отделэз) но 5 секторез лыдъяське.
Шаертодонъя но финно-угорской литературая фондын 43 650-лэсь трос экземляр люкамын (ужкагазъёс, книгаос, брощюраос, газетъёс, журналъёс, изоизданиос, диапозитивъёс, аудио- но видеокассетаос, микрофильмъёс, удмурт, њуч но куд-ог финно-угор кылъёсын кигожтэм ужъёс (рукописьёс), Октябрь революци дорозь поттэм изданиос, 20-тћ даурлэн 20–30-тћ аръёсазы поттэм литература). Тужгес но вашкалаез издание (ксерокопиез) – «Журнал или дневные записки путешествия капитана Рычкова ро разным провинциям Российского государства в 1769 и 1770 году» нимо уж (Санкт-Петербургын, 1770-тћ арын поттэмын). Оригинальной изданиос пќлысь пусйыны кулэ Д. Островскийлэсь «Вотяки Казанской губернии» (Казаньын, 1873-тћ арын потэмын), улэп дыръязы поттэм Г. Верещагинлэн «Вотяки Сарапульского уезда Вятской губернии», «Вотяки Сосновского края» но мукет, Н. Первухинлэн «Эскизы преданий и быта инородцев Глазовского уезда» книгаосты. Периодической изданиос пќлысь тужгес но вазез «Ижевская правда» газет луэ. 1992-тћ арысен книга возённи калыккуспо книгаосын вошъяськон удысын США-ысь, Финляндиысь, Венгриысь, Эстониысь, Латвиысь книга возённиосын герњаськемын. Со кунъёслэн книга возённиосысьтызы 300-лэсь трос экземпляр литература Удмуртие вуиз. 1960-тћ арысен «Летопись печати Удмуртской Республики» (1995-тћ арысен – автоматизировать карем режимын) нимо издание потэ: «Знаменательные и памятные даты Удмуртской Республики» литератураен указатель (1963-тћ арысен, 1971–80-тћ аръёсы вис каремын). Тужгес но бадњымъёсыз библиографической указательёс: «Ими гордится удмуртская земля» (серия, 4 поттэмез, Ижкарын, 1976–81-тћ аръёсы), «Литературная жизнь в Удмуртии» (2 томен, Ижкарын, 1980–87-тћ аръёсы), «Удмуртия» (Ижкарын, 1991-тћ арын).
Книга возённилэн та люкетысьтыз ужасьёс «Природа Урала», «Водные ресурсы Урала» (Пермьын, 1983-тћ арын), «Флора, растительность и растительные ресурсы Урала» (Пермьын, 1987-тћ арын), «Животный мир Урала» (Ижкарын, 1989-тћ арын) библиографической указательёс лэсьтонэ пыриськизы. «Удмуртское языкознание», «Удмуртская песня», «Кузебай Герд» нимо но мукет библиографической указательёс поттыны дасямын.
Jжыт пумиськись книгаосъя отделын 7000-лэсь трос книгаос (озьы ик кигожтэм экземпляръёс, печатной книгалэн искусствоезъя образецъёс, кылсярысь, Смотрицкийлэн Москваын 1648-тћ арын печатлам «Грамматикаез», вашкала печатлам книгаос, кудъёсыз куке но Императорской Александровской лицейлэн но Academia (1921–37-тћ аръёс) нимо Московско-Ленинградской кооперативной книга поттоннилэн вал, миниатюрной изданиос) возисько. Россия кунлэн историезъя репринт амалэм поттэм изданиос но книгаослэн-синпельметёслэн факсимильной изданиоссы но вань.
1995-тћ арын финно-угорской но шаертодонъя литературая отделлэсь книга фондэзлэсь библиографической описанизэ ретроспективной (компьютере) пыртон быдэстэмын. Книга воённилэн информационной базаосы электронной почта но Интернет пыр потон луонлыкез вань. Книга фондэз утён понна тужгес но шер пумиськисьёссэ изданиосты но дунооссэ ужкагазъёсты СD-ROM вылэ выжытыны чакламын. Научно-исследовательской уж но нуиське. 1991–94-тћ аръёсы элькунысь трос лыдњиськисьёсын книга возённиос понна «Моделирование деятельности ЦБС» нимо научной исследование радъямын; «Моделирование деятельности центральной библиотеки», «История библиотечного дела в Удмуртии», «История книги Удмуртии» программаос кылдытћсько но радъясько. 1996-тћ ар 1 толшор толэзь азелы книга фонд 1,2 млн. экземпляр лыдъяське вал, кудћз пќлысь 205 сюрсэз – периодической изданиос (900 журнал но 150 газет ним). Арлы быдэ книга возённие 25 сюрс лыдњиськисьёс ветло, 160–170 сюрс адями – пырась-потасьёс (посетительёс). Книга возённиын 176 адями ужа. 90-тћ аръёсы Удмурт Элькынысь йќскалык книга возённи Хельсинкской университетысь книга возённиен џош пќртэм ужрадъёс лэсьто ужрадъёс лэсьто: книгаосынызы вошъясько, ог-огзы доры стажировкаоы ветло, научно-практической конференциос радъяло но отчы пырисько. 1997-тћ арысен книга возённи библиотечной ассоциациослэн но ужъюртъёслэн Калаккуспо федерацизылэн ёзчиез луэ.
Лит-ра: Удмуртская республиканская универсальная научная библиотека им. В. И. Ленина: Путеводитель. Ижевск, 1989.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э