Чабей

(Triticum, њуч – пшеница), злаковой семействоысь турын будос. Озимой но яровоез ог 30 пќртэм луэ. Дуннеын музъем ужын кутћсько кыкез - небыт но чурыт чабейёс. Удмурт шаерын тросгес будэто валэс чабеез. Чабей яратэ шунытэз, мускытэз но кыедо музъемез. Умой будэ зернобобовой но бобовой будосъёс бере. Чабеез кизьыны кутскизы асьме эралэсь 7-6 дауръёслэсь азьло, нош туала Удм. шаерын будэто ни 3 сюрс ар талэсь азьло. Нырысь лымшор ёросъёсын будэто вал кык тысё вазь, небыт чабей вуиз йыды но тари бере. Укыр ненег луэмысьтыз сое ќжыт кизьылћзы. 18 даурын вазь кизизы гыроно музъемлэн 8 % вылэ, басьтылћзы 1,7-2,1 поллы тросгес киземлэсь. Нош валэс чабей сётылћз 7,9 ц/га (1913), 1940-тћ арын 8,1 ц/га. 1954-тћ арозь узьымо чабеез шер кизьылћзы, берлогес солы музъем тросгес висъязы но удалтонлыкез тазьы будиз: 1957 -тћ арын вал 3,9 ц/га, 1990 арын 28,6 ц/га.
Асьме палан таџе сортъёс будо: Мироновской 808, Московской 35, 608-Мироновскойзэ будэтыны кутско 1969 арысен; со уг выды, уг пурысьта, вуон дырыз шоро-куспо, удалтонлыкез бадњым, но љог сётске кезьытлы. 35-Московскойзэ кизьыны кутско 1987 арысен; та сорт уг выды, вуэ огдыре, уг сётскы тузон головнялы, пызё лысвулы, но вож синмо нымылы. Али дыре поттэмын његлэн но чабейлэн быль гибридэз - тритикале. Чабеез куто, пызь изыса, нянь пыжонын, ческыт сиёнъёс дасянын, вина пќзьтонын. Солэсь дасяло кеньыръёс, лапша, макарон, вермишель, чабей кыд пудолы усто сиён луэ. Чабейлэн изъянтћсьёсыз: уй бубыли, гессенской но шведской кутъёс, вожсин кибы, изъянтћсь черепашка. Висёнъёсыз: тузон но чурыт головня, курень но џуж сыномон, пызё лысву.
Лит.: Туганаев В. В. Агрофитоценозы современного земледелия и их история. М., 1984.