ТЫПАРСЬ ( Tinca tinca ; зуч сямен линь), карпуш (карп) динь выжыысь шог вуосын улись чорыг. Кузьдалаезъя луэ 60 см-озь, секталаезъя 7,5 кг-озь. Паськыт но зок, тыпыль-тапыль мугоро, векчи семо чорыг. Ым пумъёсаз быдэн одиген вакчи мыйыкез вань. Мызьзэ лэзе 3 – 4 ар тырмем бере, куартолэзе – инвожое. 300 – 400 сюрс ёрос мызез луэ. Улэ пукись вуосын, ты пыдсын, кислород ожытлэсь уг курадзы. Толалтэ сумед пушкын изе. Сие куалялюльыосты но мукет лытэм лулосъёсты. Удмурт элькунын Т. пумиське портэм тыосын, бадзым шуръёслэн сюмъёсазы. Луэ ог 2 кг секта, но чемысь 1 кг-лэсь капчигес. Чорыган онерын нырысети инты уг басьты.