«Свет», АО

(1992-тћ арозь «Свет» нимо пияла завод). Можга карын интыяськемын. Ужасьёсызлэн лыдыз 1330 адями, соос пќлын ППП – 1250 адями (1996-тћ арын 1-тћ толшор толэзез лыдэ басьтыса). 1835-тћ арын Елабугаысь Чернов вузчиен интыысь дунтэм пу но луо инъет вылын, кудъёсыз пияла лэсьтон понна кулэ, кылдытэмын. Сиён-юон тырон понна пияла посуда но химической реактивъёс (њенеликъёс, банкаос) поттонын спеализироваться кариське (аракы, сур, сюэз юнматћсь, юонъёс, сокъёс тырон понна). Арскын 20 нимен 220 млн. штука изделиос поттэ. Удмурт Элькунысь предприятиос пќлысь одћгес стабильно ужасез. 90-тћ аръёслэн шор вадесазы рыночной кусыпъёсы выжон дыръя предприятиын производствоез выльысь инъязы (воштћзы). «Сочи-94» Калыккуспо адњытонын россиысь сурлэн 2 сортэз, кудъёсыз «Светлэн» њенеликъёсаз тыремын вал, качествоез но посудаез понна Бадњым зарни медален данъямын вал. Пияла посуда сяна, «Свет» 20 литръем полимерной материалъёслэсь канистръёс, 50 литръем бекчеос, ведраос, тазъёс, банка пытсэтъёс, плёнка лэсьтэ.