Семёнов Петр Садофьевич

(вордћськемын 9-тћ толсур толэзе 1934-тћ арын ТАССР-ысь Чупаево гуртын), Живописец, УАССР-ысь калык суредась (1970-тћ арын), РСФСР-ысь сиё-дано суредась (1983-тћ арын), УАССР-ысь Кун премилэн лауреатэз (1971-тћ арын). 1950–55-тћ аръёсы Казаньысь художественной училищеын С. А. Ротницкий дорын дышетскиз, 1955–61-тћ аръёсы – Харьковысь художественной институтын Е. П. Светличный, А. А. Хмельницкий но Л. П. Чернов дорын. Россия Федерациысь суредасьёслэн герњетсылэн ёзчиез (1962-тћ арын). 1961-тћ арысен УГПИ-УдГУ-ысь художественно-графической факультетын ужа (1992-тћ арысен – профессор). 60–70-тћ аръёсы С. сюжетно-тематической суредъёс кылдытъя, кудъёсыз крестьянъёслэн огшоры улонзылы но праздникъёс ортчытъянлы сћземын. Соос яркытэнызы, буёлъёссылэн чылкытэнызы, гожтон амалэнызы висъясько («На праздник», 1964-тћ арын; «Концерт», 1967-тћ арын; «Первый трактор», 1969-тћ арын – ваньмыз Удмурт Элькунысь изобразительной искуссвоосъя музейын интыямын). 70-тћ аръёслэн кыкетћ љыныязы – 80-тћ аръёсы темаосыз кешетоесьгес (сложноесьгес) луо, живописезлэн кылыз узырме. Суредась портретъёсты пуктылэ, кудъёсыз суредлэсь элементсэ возе: «Ижевские Машиностроители» (1971-тћ арын), «Н. Ф. Сидоров – отец восьми погибших сыновей» (1975-тћ арын), «Похоронка» (1982-тћ арын) – ваньмыз Удмурт Элькунысь изобразительной искуссвоосъя музейын интыямын; «Династия ижевских металлургов Обуховых» (1979-тћ арын, РСФСР-ысь Художественной фондын интыямын). 90-тћ аръёсы С. истори картинаос кылдытонын ужа («Семья полковника», 1994-тћ арын; «Без вести пропавший», 1994-тћ арын – кыкез ик Удмурт Элькунысь Йќскалык музейын интыямын; «Перед грозой», 1989-тћ арын – Удмурт Элькунысь изобразительной искуссвоосъя музейын интыямын). 1965–78-тћ аръёсы УАССР-ысь суредасьёслэн герњетсылэн кивалтэтсылэн тќроез вал. 1964-тћ арысен трос зональной, быдэс Россиысь но Союзысь суредасьёслэн адњытонъёсазы пыриськылћз. 1971-тћ арын Улан-Батор карын (Монголия) советской изобразительной искусствоя адњыттонэ пыриськиз.
Лит-ра: Поляк И. А. Творчество П. С. Семёнова. Ижевск, 1984.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э