Семакин Афанасий Иванович

(вордћськемын 25-тћ гудырикошкон толэзе 1907-тћ арын Удмурт Элькунысь туала Вавож ёросысь Балян гуртын – кулэмын 28-тћ куарусён толэзе 1945-тћ арын Польшаысь Гожув-Велькопольски карын), Совето Союзлэн Героез (15-тћ куартолэзе 1946-тћ арын). Владивостокын, Томскын улћз, 1923-тћ арысен – Алтай улосвылын. Покчи лейтенантъёслэсь курсъёссэс 1938-тћ арын йылпумъяз. Быдњым Отечественной ожгарын 1942-тћ арысен куартолэзьысен. Закавказской, Уйпал Кавказской, 3-тћ Украинской, 1-тћ Белорусской фронтъёсын ожмаськиз. Правобережной Украинаез, Одессаез, Белоруссиез, Польшаез тушмон улысь мозмытонэ пыриськиз. Германилэн улосвылаз ожмаськонъёсын ассэ туж кышкасьтэм но сэзь возьматћз. 8-тћ гвардейской армилэн 88-тћ гвардейской стрелковой дивизиысьтыз 269-тћ гвардейской стрелковой полклэн батальонэз С. гвардилэн капитанэзлэн командованиез улсын Одер шурлэн паллян пал ярдураз Франкфурт карлэсь уйпалангес тушмонлэсь обороназэ пась карыку 16–26-тћ оштолэзе 1945-тћ арын 3 БТР пазьгиз; 3 концлагерьысь пытсамъёсты мозмытћз; аэродромъёсысь тушмонлэсь 8 аслобетсэ киултћз; 26-тћ оштолэзе Берлинын Тельтов-канал вамен выжез басьтћз но стрелковой подразделениослы, асьме танкъёсмылы но артиллеримылылы сюрес усьтћз. Корка бере корка киултыса 2-тћ куартолэзе 1945-тћ арын Берлинлэн шораз потћз. Батальонлэн командирез сќсыртэмын вал, госпитальын кулћз. Ленинлэн орденэныз, Горд Знамя орденэн, Кутузовлэн III-тћ степенё орденэныз, Александр Невскийлэн орденэныз, Отечественной ожгарлэн II-тћ степенё орденэныз но медальёсын данъямын.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э