Савин Николай Семёнович

(вордћськемын 8-тћ гудырикошкон толэзе 1917-тћ арын Удмурт Элькунысь туала Кизнер ёросысь Крымская Слудка черкогуртын – кулэмын 23-тћ южтолэзе 1944-тћ арын Украинаысь Винница улосвылысь Ямпольской ёросысьтыз Дзыговка черкогуртын), Совето Союзлэн Героез (13-тћ куарусён толэзе 1944-тћ арын). Староятчинской 7 аръем школаез 1937-тћ арын, Лубянской лесной техникумез 1941-тћ арын, Челябинскысь танковой училищеез 1942-тћ арын йылпумъямын. Быдњым Отечественной ожгарын 1942-тћ арысен шуркынмон толэзьысен. Донской, Брянской, Центральной, 1-тћ но 2-тћ Украинской Фронтъёсын ожмасьикиз. Сталинград понна ожъёсы, Курской дугаын ожмаськонэ, Корсунь-Шевченковской операцилэн берпуметћ ожмаськонъёсаз, Гомель улосвылэз мозмыонэ пыриськиз. 2-тћ танковой армиысь 3-тћ танковой корпуслэн 8-тћ нимысьтыз гвардейской танковой полкезлэн танклэн командирез вал. Гвардилэн лейтенантэз С. 1944-тћ арын 9-тћ южтолэзе Черкасск улосвылын Умань кар понна уй ожын урамъёсаз нырысь ик пыриз. 10-тћ южтолэзе Лымшор Буг шур вамен мынонни-ветлонни (переправа) понна оже пыриськиз но сое возьмаса улћз. 17-тћ южтолэзе Винница улосвылысь Ямполь кар выллем посёлоке нырысь ик пыриз, Днестр шур вамен потонни доры потћз, тушмонлэсь 2 пушказэ пазьгиз, танковой корпуслэн инъет кужымъёсыз вуытозь позицизэ возиз. Мукет нуналаз секыт сќсырмыны шедиз. Госпитальын кулћз. Ленинлэн орденэныз, Быдњым Отечественной ожгарлэн I-тћ степенё орденэныз но “За оборону Сталинграда” медален данъямын.