Сарба (сарва, лянэс),

кызьпу туйлэсь лэсьтэм арбери, цилиндр формаен кисьтћськись сиён-юон возён но нуллон понна. Борддоръёсыз 2 сћ туйлэсь: пушкыз – быдэс, вурысъёстэк, педпалыз – пуш сћез борды лач-лач каремын, пумъёсыз (дуръёсыз) писпу выжыосын вуремын яке вандыса керттэмын. Традиционной С. тиснённой орнаментэн чеберъямын, амалъёсыз – котыресъёс, ромбъёс, шонер но кырыж гожъёс, џемгес њуски выллем (гребенчатой) штампен тиснение (паньгатон) амалэн лэсьтэмын. С.-лэн улћ но вылћ люкетъёсаз – туйлэсь эгесъёс (ободокъёс): улћысез котырес пыдэссэ юнматон понна, вылћысез дурзэ юнматон понна. Пытсэтэз пулэсь лэсьтэмын, кутонэн. С.-е со туж лач-лач (пась кыльытэк) пыре.