Сарапулысь кондитерской фабрика

паськыт ассортиментэн кондитерской сиёнъёс поттћсь специализированной предприятие. 1991-тћ арысен пытсам типьем акционерной агазеяськем (АОЗТ). Ужасьёсызлэн лыдыз – 421 адями (1995-тћ арын чакламъя). 20-тћ даурлэн кутсконаз кылдэмын, куке сарапулка шур дурын Беляев вузчилэн вукоезлэн но кеньыр изоннилэн юртъераз Вольф ужбергатћсь карамельной фигуркаос (атасъёс но куалемъёс) поттон радъяз. 1917–37-тћ аръёсы уж дугдытэмын вал. 1937-тћ арын, Сарапулын райпищепром кылдытон дыръя, 40 ужасен пичигес кондитерской фабрика радъямын вал. Уё-нунал куспын фабрика соку 200 кг кармель но пряник лэсьтэ вал. 1941-тћ арын оштолэзе хозрасчёт амал вылын горпищекомбинат пушкы каремын вал, кудћз Быдњым Отечественной ожгар аръёсы губи, емыш дасянэн но солэсь сиён-юон дасянэн выриз. Фронт понна кќс картошка, крахмал, кисель поттћзы. Ожгар йылпумъяськем бере азьло поттэм продукцизылы мукетъёсыз ватсаськизы на: алкогольтэм юонъёс, повидло, джем лэсьтон, чорыг кутылон, муш вордон, сад-бакча будэтон но парсьёсты куайытон. 1950-тћ арын фабрикаын 150 ужасез вал, уй-нунал куспын 1 тонна пала кондитерской изделиос лэсьтћзы. 1953-тћ арын, табышъёс басьтэменызы, фабрикаез выльысь лэсьтыны (реконструкция лэсьтыны) кутскизы. 2-тћ черодэз йылпумъямзы бере, 1957-тћ арын, уй-нуналскын 10 тонна продукция поттћзы ни. 1957-тћ арын сиён-юон комбинат Кун элькун кондитерской фабрика нимаськыны кутскиз. 1965-тћ арын продукци поттон 5 сюрс тоннаозь вуиз. 1963-тћ арозь фабрика УАССР-ысь продовольственной вузъёсъя министерствое пыре ва, 1963–66-тћ аръёсы – Западной Уральской СНХ-лэн сћль но сиён-юон поттон промышленностья кивалтэтаз, 1966-тћ арын – РСФСР-ысь сиён-юон иоттон промышленностьъя министерстволэн кондитерской промышленностья Кун кивалтэтлэн сќзнэтаз. 1996-тћ арлэн кутсконэз азелы фабрикаын 500-лэсь трос пќртэм ужтћрлык кутћське вал, тросгес автоматъёс но полуавтоматъёс, технологи процессъёсыз быдэсак механизировать каремын вал. 1995-тћ арын фабрика вафли (28 пумо-нимын), зефир (3 пумо), карамель (60-лэсь трос пумо), глазировать карымтэм конфет (27 пумо), вылтћз шоколадэн шобыртэм конфет (70 пала пумо), тортъёс, кузьым понна (сувенирной) конфетъёс поттэ вал. 1990-тћ арын фабрика тужгес но трос вуз поттћз – 12 сюрс тонна. 1995-тћ арын поттэм вуззэс урод вузамен но сырьё басьтонэн герњаськем шуг-секытъёслы луыса, пвуз поттонэз 6,2 сюрс тоннаозь лэзиськиз. Чакла вуз поттоно быдњалаез – араз 13,2 сюрс тонна. 1992-тћ арын шуркынмон толэзе АОЗТ-лэн коллективез предприятилэсь ваньбурзэ но озьы ик музъемзэ, кытын со интыяськемын, ас кияз басьтћз. 1996–97-тћ аръёсы Ижкарын фабрикалэн 2 фирменной магазинэз усьтэмын («Ассорти» но «Чародейка»), кудъёссэ шоркарын улћсьёс туж но туж яратћзы.