Сарапулысь аракы лэсьтон завод (СЛВЗ),

Удмурт Элькунысь сиён-юон поттонъя предприятиос пќлысь одћгез валтћсез, акционеръёслэн пытсам амало огазеяськемзы (ЗАО). Ужасьёсызлэн лыдыз 215 адями (1997-тћ арез басьтыса). 19-тћ дауре инъямын, куке уездной Сарапулын, валтћсь пыдкутчан вуронъя промышленностен џош, озьы ик сиён-юон поттонэз но азинскиз. 19-тћ даурлэн 70-тћ аръёсаз татын куинь аракы пќзьтон но 3 водка лэсьтон заводъёс ужазы. 1914-тћ ар азелы карын 1 аракы пќзьтон завод гинэ кылиз, кудаз 67 адями ужа вал. 1985-тћ арын СССР-ын «алкогольлы пумит» Закон пумит бере, заводысь ужтћрлыкъёслэн люкетэз алкогольтэм юонъёс поттон понна воштэмын, нош люкетэз сэрттэмын вал. Берлогес азьло поттоно быдњалаосыз выльысь берыктэмын вал. Рыноке выжон дыръя вылћ качествоен продукция поттэмез предприятилы туж юрттћз – со трос уксё ќз ышты. 1997-тћ арын продукцизэ вузамез понна Удмурт Элькунлэн коньдэтаз 50 млрд. манет табыш вуиз, нош Сарапул карлэн коньдэтаз – 20 млрд. матетлэсь трос. 1996–97-тћ аръёсы заводысь ќнерчиос но биотехнологияя НИИ-ысь тодосчиос 4 пќртэм водка, 7 пќртэм вина, настойкаос, «Ижевская» нимо настока кылдытћзы: «Любовь гусара», «Тост гусара», «От всей души» но мукет. «Interdrink-97» (1997-тћ арын шуркынмон толэзе, Москваын) калыккуспо адњытонын, кудаз 16 пќртэм странаосысь 180-лэсь трос фирмаос пыриськизы, Сарапулысь заводлэн вузэз вылћ кузьымъёсын данъямын вал, соос пќлысь 5-ез зарни медален («Удмуртия», «Кавалерист-девица Н. Дурова» водкаос, «Люкс», «Рябина на коньяке» вина напитокъёс, «Италмас» нимо бальзам). Берпуметћез 3 зарни медален (1997-тћ но 1998-тћ аръёсы) но 2 азвесь медален данъямын. 1998-тћ ар понна заводлэн вузэз 25 медаль но кќня ке диплом басьтћз. 1997-тћ арын предприятие 271 сюрс продукция поттћз но вузаз. Директорез – Ф. И. Фисенко.