“Сактон”

(удм. “њардон”); пытсам амалъем акционерной огазеяськем (ЗАО), Россия Федерацилэн пуш рынокез понна трикотажной ваньбур лэсьтћсь Ижкарысь предприятие. Ужасьёсызлэн лыдыз (1995-тћ аръя басьтыса) – 504 адями. Предприятилэн инъетэз – “Трикотажстрочшвей” нимо артель, кудћз промкооперация сќзнэтын 1946-тћ арын коньывуон толэзе кылдытэмын вал. Арендовать карем интыын интыяськемын вал. Ужазы киын вурискон машинаосын. 1947-тћ арын артельлэн уксёеныз барак басьтэмын, кудаз пужыятэм штораос но љќккыжетъёс вурыны кутскизы. 1951-тћ арын эшшо одћгез басьтэмын на, кудаз строчка цех но шобретъёс вуронъя цех радъязы. Ужасьёсызлэн лыдыз 120 адями вал. 1952-тћ арысен хлопчато-бумажной басмаослэсь трикотажной дћськут вуронъя специализация кутске. Дћськут вурон понна выль машинаос басьтэмын. 1957–59-тћ аръёсы инъет производство понна кирпичлэсь 2 этажъем юртъер но ужасьёс понна 22 патер (квартира) лэсьтэмын вал. 1960-тћ арысен коньывуон толэзьысен артель промкооперациысь потћз, фабрика луиз. Ужан тћрлыкез воштонъя ужрад кутскиз. “Интерлок” нимо кругловязальной машинаос басьтэмын вал. 1962-тћ арысен фабрика ыжгон басмаослэсь дћськут вурыны кутске. 1965–67-тћ аръёсы инъет производство понна кирпичлэсь 3 этажъем корпус лэсьтэмын на. 1989-тћ арын толшор толэзе “С.” борды Шарканысь трикотажной фабрика каремын но “Сактон” нимо фирменной магазин усьтэмын. Ижкарысь “Сактон” нимо промышленной торговой трикотажной огазеяськем кылдытэмын. 1991-тћ арын инвожо толэзе Ижкарысь фабрика “Сактон” арендной предприятие луиз, нош 1993-тћ арысен толсур толэзьысен сыџе ик нимын пытсам типъем акционерной огазеяськем (АОЗТ) луиз. Лэсьтэм (поттэм) продукциез (1995-тћ аръя учкыса): костюмъёс, дэремъёс, жакетъёс, платьяос, джемперъёс, юбкаос, халатъёс. Пќртэм арлыдо адямиос понна дћськут вуриське. Ыжгон, љыныё ыжгон, искусственной волокно, хлопок, соин герњаськем суретъёс кутћсько. Тужгес но трос трикотаж ваньбур 1990-тћ арын лэсьтэмын вал – 1,5 млн. штука. Удмурт Элькунлэн улосвылаз “С.-лэн” 7 фирменной магазинэз вань. Продукциез Россия Федерацилэн мукет улосвылъёсаз но вузаське (тросгес Уралын, Сибирьын но Дальней Востокын).