Садъёс.

Нырыстћез сад кылдытэмын вал Воткинскысь П. И. Чайковскийлэн усадьбаяз. Музей-усадьбаяз утиське И. П. Чайковскийлэн кузпалызлы Александра Андреевналы гожтэтэз (1837), кытн верамын усадьбалэн садэз сярысь, кудћзлы вал ини ог 10 ар, XIX даурлэн пумаз садъёс кылдћзы Асановской (Елабуга у.), Верхосунской (Глаз. у.) с.-х. школаосын. Нырысетћ садоводъёс: Ижевскысь аптекалэн провизоръёсыз Ренард но Гёнц (19 д. пумаз), заводчикъёс но земс. управалэн чл. Сарапулысь Н. Ф. Жилин но П. Бердников, Воткинскысь П. А. Смирнов, Глазовысь М. М. Трегубов, Зура ёросысь А. А. Смирнов, Каракулино ёросысь Ф. Н. Красноперов, З. О. Валабугин, Марасан гуртысь (Ижкар дорын) Пикулев. Нырысетћ декоративной садъёс лэсьтэмын 1909-1912 аръёсы (Сарапулысь Пушкинской сад, Ижкарысь М. Горький нимо сад). Сельской ёросъёсын садъёс кылдылыны кутскизы Кам дурысь но Ватка шурлэн та пал ярдуръёссысен. Гуртоослэн емышо садъёссы кылдо Каракулино, Алнаш, Сарапул, Грах, Вавож, Сюмси ёросъёсын. Кылемын куд-ог сад будэтћсьёслэн но садо гуртъёслэн нимъёссы. Вавож ёросысь Липинер гуртын будэтћзы «Дёминка» груша, сад будэтћсьлэн нимызъя, луоз. Соколовка гуртын «Соколовка» слива. Алнаш ёросысь Голюшурма черко гуртын сад возизы Д. И. Горячих, Еблоков, Нелюбин; Тарасово гуртын В. С. Фомин, Њуч Зятцазын - Е. В. Бакаев; Новотроицкой поч. - Н. Д. Терехова, А. Тарасова; Благодать гуртын - В. Н. Хитрин, Н. Д. Телицлна. 20 аръёсы Сюмси ёросын тодмо луизы таџе гуртъёсысь садъёс но соосты будэтћсьёс: Гурклуд, Лекшур, Акилово, Васькино, Њуч Бодья, Њуч Вишурки, Бадњым Сардык, Сюмси ч. гурт. Игра ёросысь Заяккно гуртын дышетћсь А. А. Смирнов 1912 арын кедра роща мерттэ. 1922 арын Можгаын кылдытэмын нырысетћез (Удм. шаерын) мер емышо сад. 1926 арын сад будэтћсьёс Костылев но Бердников кылдытћзы кун емышо питомник. Умой юрттэт таџе ужлы сётћз Мичуринской движение.
40-ти аръёсы сад-будэтћсьёс-яратћсьёс Ижевскын огазеяськизы обществое. Тросэз соос пќлысь будэтыны кутскизы выль тус будосъёс но сортъёс. Буданов садоводлэсь вќлмиз куако вишня «Будановской», Огородовлэсь – «Огородовской». Берлогес кылдћз љыныё писпу выллем «Владимирской», Владимиров сад будэтћсьлэн нимызъя, луоз (Волочаевской урам, 47). Солэн вал та чияез. Проф. М. Г. Концевой та чиялэсь сортсэ «Метёлка Волжская» шуыса нимаз. 1933 арын Завьял ёросысь Бол. Венья гуртын усьтэмын вал емышо-мульыё опорной пункт, кудзэ 60-тћ аръёсы госсортоучасток каризы но Воткинск ёросысь «Двигатель» к-зэ выжтћзы. 1935 арын южтолэзе УАССР-лэн совнаркомез постановление кутћз «О развитии садоводства» но со арын ик ортчытэмын вал Удм. шаерысь сад будэтћсьёслэн I ќтчамзы. Солэн пуктэмезъя 1936-37 арын Пирогово гурт дорын кылдћз Элькун емыш-мульы питомник маточно-семенной садэн (100 га вылын), озьы ик Сарапул дорын плодопитомник, 1938 арын - Воткинск дорын плодопитомник. 30-этћ аръёсы озьы ик кылдыны кутскизы колхоз садъёс. Нырысез вал Бадњым Венья гуртын. 1938 арын Каракулино ёросысь Ныргында гуртын сад кылдытћз Г. И Искаков, война бере аръёсы сое паськытатћз А. Д. Киселев, кудћз дышиз сад будэтон ужлы Чехословакиын пленын дыръяз, собере тодон-валанзэ муромытћз Мичуринской плод.-ягодной институтын. Садъёс озьы ик кылдћзы 1935 арын Завьял ёросысь «Красный труд» колхозын (8 га), Каракулино ёросыс Зуевы ключи гуртын, 1949 арш Завьял ёросысь Новые Мартьяны гуртын (150 га-лэсь тросгес), Глазов ёросысь Парзи с.-х. школаын.
Сад будэтћсьёсты дасян вылысь 1922 арын Сарапулын усьтэмын вал с.-х. техникум. 1954 арын - ИжСХИ, татын усьтћськиз нимысьтыз кафедра плодоовощеводства. Солэн дышетон базаез луиз Ярушки гуртысь «Пятилетка» совхозлэн садэз. 1977 арын садъёс вал ини 5300 га. вылын. Та дыре емыш сётыны кутскиз экспериментальной с.-х. опыт. станцилэн садэз, кудћз усьтэмын вал 1961-63 аръёсы Ю. А. но Л. И. Романовъёсын. 1978-79 арын тол ортчыт кезьыт луэмен ваньмыз сямен общ. садъёс быризы. Али азинско коллективной но приусадебной участокъёс.