Рыков Леонид Васильевич

(вордћськемын 15-тћ тулыспал толэзе 1921-тћ арын Удмурт Элькунысь туала Дебес ёросысь Князево гуртын – кулэмын 30-тћ толсур толэзе 1988-тћ арын Тула карын), Совето Союзлэн Героез (15-тћ куартолэзе 1946-тћ арын). 1932-тћ арысен Ижкарын улћз. Машинаос лэсьтон заводын ужаз, со дыре ик аэроклубын дышетскиз. Пермьысь пилотъёсты дасянъя авиационной школаез йылпумъяз (1940-тћ арын). Быдњым Отечественной ожгарын 1941-тћ арысен инвожо толэзьысен. Юго-Западной, Сталинградской, Донской, Степной, Центральной, 1-тћ Белорусской фронтъёсын ожмаськиз, Сталинградэз утиз, Курскын, Днепрын ожмаськиз, Белоруссиез но Польшаез мозмытонэ пыриськиз. Ожгарез берлинын йылпумъяз 1945-тћ арын куартолэзе. 16-тћ омыр (воздушной) армилэн 9-тћ гвардейской уин лобась бомбардировочной авиационной дивизиысьтыз 44-тћ гвардейской бомбардировочной авиационной полклэн эскадрильяезлэн кивалтћсезлэн воштћсез вал. Гвардилэн старшей лейтенантэз Р. 930-тћ ожгар лобанъёс лэсьтћз, тушмонлэсь люкаськемъёссэ туж уно быдтћз, партизанъёс понна трос пол грузъёс вуттылћз, 37 пол Варшаваысь бугыръяськисьёс доры лобаз, соос доры 6 тонна пала груз вуттћз. 300-лэсь трос лобанъёс связь понна лэсьтћз. Полкын нырысетћез уин фотографировать карон амалэз уже кутћз. Ожгар йылпумъяськем бере службазэ ВВС-ын азьланьтћз. 1958-тћ арын Р. полковник запасэ келямын. Ужаз но улћз Тула карын. Ленинлэн орденэныз, 2 Горд Знамя орденэн, Богдан Хмельницкийлэн III-тћ степенё орденэныз, Быдњым Отечественной ожгарлэн I-тћ но II-тћ степенё орденъёсыныз, Горд Кизили орденэн но трос пќртэм медальёсын данъямын.