Рычков Пётр Иванович

(вордћськемын 1-тћ коньывуон толэзе 1712-тћ арын Вологда карын – кулэмын 15-тћ коньывуонэ 1777-тћ арын Екатеринбург карын), њучтодосчи, экономикаен, географиен, Россилэн историезъя ужъёслэн авторез. Вузчилэн семьяяз вордћськемын. Российской (Петербургысь) Тодосъёсъя акдемилэн нырысетћ ёзчиез-корреспондентэз (1759-тћ арысен). 30-тћ аръёсысен Оренбург улосвылын служить кариз, 1734–37-тћ аръёсы И. К. Кириловлэн кивалтэмез улсын Оренбургской экспедицие пыриськиз (берлогес экспедициен В. Н. Татищев кивалтћз). Инъет ужез “Топография Оренбургская...” (2 люкетэн, 1762-тћ арын поттэмын) – нырысьёсыз региональной сводкаос пќлысь одћгез луэ, кытын улосвыллэн историезъя но этнографиезъя материал люкамын. Та ужлэн россиын экономической географилэн вордћськонэзлы бадњым значениез вал. Р.-лэн озьы ик Поволжьеысь но Приуральеысь калыкъёслэн историзыя, этнографизыя ужъёсыз вань. Куд-огъёсаз ужъёсаз удмуртъёслэе улонзы но хозяйствозэс нуонзы, историзы сярысь материалъёс пыртэмын. Со удмуртъёслэсь аспќртэмлыко музъем ужен выремзы сярысь гожтћз (герыоссы туж умоесь вал).
Ужъёсыз: Опыт Казанской истории древних и средних времён. СПб., 1767; Письма о земледельстве в Казанской и Оренбургской губерниях // Сочинения и переводы, к пользе и увеселению служащие. СПб., 1758. Май. Июнь; О содержании пчёл // Труды Волного экономического общества к поощрению в России земледелия и домостроительства. Ч. 5. СПб, 1767.
Лит-ра: Мильков Ф. Н. П. И. Рычков. Жизнь и географические труды. М., 1953.