Рычков Николай Петрович

(вордћськемын 1746-тћ арын – кулэмын 1784-тћ арын), њуч тодосчи-мынћсь-ветлћсь (путешественник), Россиысь Тодосъёсъя академилэн адъютантэз. П. И. Рычковлэн пиез. 1760–67-тћ аръёсы ожгар службаын вал. 1768-тћ арын Петербургысь Тодосъёсъя академилэн экспедицияз пыриськиз, кудћныз П. С. Паллас кивалтћз. 1769–70-тћ аръёсы Казань, Пермь, Оренбург, Уфа, Ватка губерниостћ ветлћз, соос сярысь трос гожъяз. Гожъямъёсаз инкуазь, вашкала каръёс но отын улћсьёс, соослэн йылолъёссы но сямъёссы сярысь туж тунсыко материал люкамын. “Журнал или дневные записки путешествия по разным провинциям Российскогго государства 1769–1770 гг.” (1-тћ но 2-тћ люкетъёсыз. Санкт-Петербургын, 1770–72-тћ аръёсы) книгаяз Сарапул, Каракулино, Елабуга дворцовой черкогуртъёсъябадћым материал сётэмын. Удмуртъёслэн улонзы, йылолъёссы, языческой осконъёссы но хозяйствозы сярысь (тросгес Башкириын но Удмуртилэн шор ёросъёсаз улћсьёсыз) гожтэмын. Р. мынћсь-ветлћсьлы удмуртъёслэн куноятэмзы туж кельшем, нош языческой суевериоссы солы ќвќл яраллям. Мукет мынћсь-ветлћсьёсын џошатыса, удмуртъёслэн узыр луэмзы сярысь но хозяйствозылэн рынокен герњаськемез сярысь гожтћз.