Петерсон Алексей Юрьевич

(? 1931-тћ арын коньывуон толэзе Эстониын), этнограф, истори тодосъёсъя доктор, Удмурт Элькунысь лулчеберет удысысь сћё-дано ужась. 1958–91-тћ аръёсы Тарту карысь Эстон Йќскалык музеен кивалтћз. Эстонъёслэн но мукет финно-угор калыкъёслэн ваньбурет но духовной лулчеберетсыя уникальной фондъёс кылдытћсьёс пќлысь одћгез, со фондъёсты научной обработкалы но утёнлы условиос кылдытонлэн радъясез. 100-лэсь трос научной ужъёслэн авторез (Йќскалык музейлэн арлы быдэ потћсь журналаз но мукет научной бичетъёсын). Эстон но мукет финно-угор калыкъёсты (вепсъёсты, ливъёсты, поръёсты, комиосты, мадьяръёсты но удмуртъёсты) эскериз. Удмуртъёс сярысь материалъёссэ 1985-тћ арын «Zur finnougrischen Volkskunde» ичетын поттћз. С. Х. Лебедеваен џош 3 научно-популярной этнографической фильмъёс (киномонографиос) кылдытћз: «Лымшор удмуртъёс XX даурлэн кутсконаз», «Уйпал удмуртъёс XX даурлэн кутсконаз» но «Лымшор удмуртъёслэн христианство дорозь религиозной осконъёссы». Финно-угроведениея юанъёсъя но полевой ужъёс нуон практикая Удмуртиысь, Швециысь, Финляндиысь студентъёс понна лекциос лыдњиз.
Ужъёсыз: Эстонский национальный музей. Тарту, 1989.