Перевощиков Юрий Семёнович

(вордћськемын 13-тћ толшор толэзе 1928-тћ арын УАССР-ысь Игра ёросысь Сепож гуртын), экономист, экономи тодосъёсъя доктор (1988-тћ арын), профессор (1989-тћ арын), Информатизацияя калыккуспо академилэн секретарез-академикез (1992-тћ арысен). УАССР-ысь наука но техника удысысь сћё-дано ужась (1977-тћ арын). Ижкарысь механической институтэз 1958-тћ арын йылпумъяз, собере КПСС-лэн ЦК-езлэсь Вылћ партийной школазэ (1966-тћ арын), ВЦСПС-лэсь профдвижениезлэсь Вылћ школазэ (1969-тћ арын). 1954–64-тћ аръёсы быръёно мер должностьёсын ужаз, 1966–74-тћ аръёсы – ИНИТИ-ын: отделэн кивалтћсьлэн воштћсез, лабораторилэн кивалтћсез, отделенилэн кивалтћсез, 1974–94-тћ аръёсы – УдГУ-ын: кафедралэн кивалтћсез, профессор. Тодмо луэ ужлэн экономикаез, экономической метрология, квалиметрия удысъёсысь эскеронъёсыныз. Инъет ужъёсыз ужлэн экономикаезлы (ужан процессъёсты анализ лэсьтонын метродология), промышленной производствоез прогнозировать но планировать каронлы, экономической метродологилы но квалиметрилы сћземын. Трудовой Горд Знамя орденэн данъямын.
Ужъёсыз: Трудовой процесс: Инженерно-экономический поиск меры труда. Ижевск, 1974; Труд и его норма: Нормирование труда – основа его общественной организации. Ижевск, 1977; Управление трудом в бригаде. Ижевск, 1983; Экономическая метрология: Поиск меры справедливости. Ч. 1. Ижевск, 1996.