Павлов Никифор Савельевич

(вордћськемын 21-тћ тулыспал толэзе 1921-тћ арын Удмурт Элькунысь Завьял ёросысь Вуж Казмаска гуртын – 3-тћ пќсьтолэзе 1995-тћ арын Ижкарын), Совето Союзлэн Героез (26-тћ коньывуон толэзе 1943-тћ арын). 1929-тћ арысен Ижевскын улћз, машинаос лэсьтон заводын ужаз. Быдњым Отечественной ожгарын 1942-тћ арысен гудырикошкон толэзьысен. Сталинград, Курск, Харьков дорын ожмаськиз, Правобережной Украинаез тушмон улысь мозмытћз; ожгарез Бранденбург кар лорын йылпумъяз. 7-тћ гвардейской армиысь 78-тћ гвардейской дивизиысь 225-тћ гвардейской стрелковой полклэн связья центральной телефон станцилэн кивалтћсез вал. П. гвардилэн покчи сержантэз, асьмелэнъёслэн Днепр шур вамен выжыкузы, Днепропетровской улосвылысь Домоткань черкогурт вќзын 1943-тћ арын 25-тћ куарусён толэзе куинь кышкасьтэмъёс пќлын одћгез нырысь ик шурлэн бур пал яздураз выжиз но полклэсь командной пунктсэ азьлань мынћсь подразделениосын связен герњаз. 2 нунал кыстћськем ожъёс џоже линиысь 31 сќриськем (чигем) интызэ тупатћз, киын гинэ ожмаськонэ пыриськоно луиз. 1945-тћ арын демобилизоваться кариськиз, Ижкаре берытскиз, механической заводын но мукет предприятиосын ужаз. Ленинлэн, I-тћ степенё Отечественной ожгарлэн орденхёсын но медальёсын пусъемын.