Патронимия

(грек pater (patros) – атай но onoma – ним), мер организацилэн формаез, пичи но бадњым семьяосын группаос огъя выжыысь потэмын, со выжылэсь нимзэ ваньзы озьы яке тазьы воземын. Экзогамной порядокез возе. Удмурт патронимической кусыпъёсты возьыны коркаослэн люкен-люкен интыяськемзы юрттэ вал, малы ке шуоно атай пизэ бордысьтыз люкыкуз, солы корка, кенос, гид аслаз улонниез борды лэсьтылћз, огъя одћг бадњым азбар кельтыса. Выжы огъялыклэн пусъёсыз-символъёсыз вал, кылсрысь Бадњым куалан котырес ритуальной куала тусьты (џаша) возиськиз, кудзэ вќсяськыку юон понна куто вал. Муотъёслы со џашаысь юыны уг сёто вал. Удмуртъёслэн шайвылъёссы но озьы ик кема дыр џоже родовоесь улћзы, поминкаосы одћг патронимической кусыпысь адямиос пыриськизы: бќляк (лымшор удмуртъёслэн), бече (уйпал удмуртъёслэн), иськавын (шор но уйшор ёросъёсысь удмуртъёслэн). Озьы ик географи патронимической нимъёс кылемын: Ядыгар шенел (Ядыгар пал – Казань удмуртъёслэн), Кайсы пал, Тэмыш ульча но мукет. Патронимической люкаськеме пырисьёсты џемысь «пи» кылын вераллязы: Трошпи но мукет. 19-тћ даурлэн кыкетћ љыныяз куд-ог удмуртъёс огъялыкъёсын (общинаосын) патронимической бусыос, участокъёс вал, куке кыџе ке выжыысь адямиос ваньзы џош кутскыса урод музъемъёсты умой карылћзы, огъя кужыменызы нюлэсъёсты кораса музъемез мозмытылћзы. Патронимической семьяос будэмен но люкиськемен выжы кусыпъёс каллен лябомыны кутско, нош выжылэн религиозно-культовой но семейно-обрядовой кусыпъёссы кылё но куддыръя золгес но адњисько. Туала вакытэ патронимической асвалан (самосознание) куддыръя гинэ огъя ужын (вемеын), семейно-бытовой обрядъёсын, патронимической нимъёсын, экзогамиез возёнын пота на.
Лит-ра: Богаевский П. М. Очерк быта Сарапульских вотяков. М., 1888; Верещагин Г. Е. Общинное землевладение у вотяков Сарапульского уезда Вятской губернии // Календарь и памятная книжка Вятской губернии на 1896 год. Вятка, 1895; Харузина В. Н. Вотяки. М., 1898; Косвен М. О. Семейная община и патронимия. М., 1963.