Пальшина-Придатко Антонина Тихоновна

(вордћськемын 1897-тћ арын Сарапул уездысь Шевырялово гуртын – кулэмын 1993-тћ арын Сарапул карын), Георгиевской киросъёслэн авалерез (1915-тћ арын), кавалерист-девица, 1-тћ Дунне ожгарын Н. Дуровалэсь подвигзэ выльысь лэсьтћз. 12 арысен Сарапул карысь вуриськон мастерскойын ужаны кутскиз. 1914-тћ арын вал, солдат дћськут но ож тћрлык басьтћз, йырси пунэтсэ вандћз но, пиосмурт кариськыса, Антон Пальшин нимын Кавказысь артиллерийской полклэн казак войскоаз кошкиз. Гасангола нимо Турецкой крепость дорын сќсырмыны шедиз. Лазаретын Антонлэн нылмурт луэмез шараяськиз. Собере П. медсестраослэн курсъёсазы дышетскыны кутскиз. 1915-тћ арысен куартолэзьысен – фронтын, нош ик солдат дћськут дћсяса. Брусилов генераллэн армияз служить карыны кутскиз. Разведкаын тушмонэз пленэ кутћз. Со понна нырысетћ Георгиевской кироссэс басьтћз. Черновцы кар дорын ожмаськыкуз, П.-ез Георгиевской киросэн пусйизы но ефрейторлэсь званизэ сётћзы, отделенилэн командиреныз пуктћзы. Карпаты гурезьёсын ожъёс ортчем бере Брусилов генерал П.-ез ачиз Георгиевской киросэн пусйиз. 1917-тћ арын тулыспал толэзе сќсырмемез бере, П. Киевысь ожгар лазаретэ шедиз. Куарусён толэзе Сарапулэ берытскиз, ЧК-ын ужаз. 1919-тћ арын каптэныз џош Ростов, Ставрополь, Краснодар понна ожъёсы пыриськиз. Быдњым Отечественной ожгаре П. медсестра луыса пыриськиз. Улонэзлэн берпуметћ аръёсаз пенсиезлэсь люкетсэ Тупаса улонъя фондэ сётъяз. Удмуртиысь калык суредась П. С. Семёнов П.-лэсь портретсэ суредаз, калык гожъяськись С. Самсонов солы сћзем «Не сказка – быль» повесть гожтћз, нош Г. Корепанов-Камский крезьгурчи, кавалерист-девицаез данъяса, «Россиянка» нимо опера кылдытћз.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э