Отравить карись суретъёс,

ожгар дыръя тушмонлэсь луло кужымзэ быдтон понна токсичной хими соединениос. 50-тћ аръёслэн кутсконысенызы Камбарка кар ёросын 6400 тонна люизит возиське (быдэс Россиысь запасъёсызлэн 90 %-эз), нош Кизнер ужасьёслэн посёлоказы заринэн но зоманэн тыро снарядъёс юкамын. Ваньмыз та вылћын верам О.к.с. нервно-паралитическоесь луо. Элькунамы Россиысь 1/3 люкетэз О.к.с. возисько. Удмуртилэн улосвылаз возиськись О.к.с.-ты быдтон понна Европейской странаосысь но США-ысь тодосчиосты ќтемын. 1995-тћ арын южтолэзе Россия Федерацилэн Кивалтэтэз Камбарка ёросысь люизитэз быдтон сярысь нимысьтыз пуктэт (постановление) кутћз, кудћзъя 2000-тћ арлы О.к.с.-ты быдтон понна объект но бадњым тоннажен люизитэнвозёсъёсты (ёмкостьёсты) быдтон терминал, инженерной коммуникациос лэсьтоно, калыклэсь тазалыксэ но котыр инкуазез утён понна нимысьтыз ужрадъёс ортчытъяно.