Олюшин Виктор Николаевич

(вордћськемын 18-тћ тулыспал толэзе 1947-тћ арын УАССР-ысь Можга карын – кулэмын 8-тћ коньывуон толэзе 1999-тћ арын Ижкарын), суредась-график. 1970-тћ арын УГПИ-ысь художественно-графической факультетэз йылпумъяз. Россия Федерациысь суредасьёслэн геретсылэн ёзчиез (1975-тћ арысен). Эстамп амаллэн пќртэм техникаяз ужаз: линогравюраын, офортын, литографиын. Станковой листокъёс сяна, кќня ке дасо экслибристъёс лэсьтћз. 70-тћ аръёс – тужгес но трос ужъёс лэсьтон вакытэз. Инъет ужъёсыз: “Ижевск” (1971-тћ арын – Удмурт Элькунысь изобразительной искусствоосъя музейын интыямын), “Музей” (1972-тћ арын лэсьтэмын), “Март” (со арын ик); “По Удмуртии” (1972–73-тћ аръёсы лэсьтэмын – Удмурт Элькунысь изобразительной искусствоосъя музейын интыямын), “По Ижевску” (1972–73-тћ аръёсы лэсьтэмын) нимо линогравюраосын сузьетъёс; буёло офорт амалэн “Герои Гражданской войны в Удмуртии” (1974-тћ арын лэсьтэмын); офорт амалэн “Автозавод” (1976-тћ арын – Удмурт Элькунысь изобразительной искусствоосъя музейын интыямын); буёло линогравюра “Дом-музей П. И. Чайковского” (1979-тћ арын – Удмурт Элькунысь изобразительной искусствоосъя музейын интыямын). 1974-тћ арысен зональной но быдэс Россиысь суредасьёслэн адњытонъёсазы пыриськылћз.