Окунь Виталий Владимирович

(вордћськемын 8-тћ куарусён толэзе 1949-тћ арын Украинаысь Днепропетровской улосвылысь Магдалиново ёросысь Почино-Софиевка черкогуртын), суредась-график. Харьковысь промышленно-художественной институтэз 1976-тћ арын йылпумъяз. Россия Федерациысь суредасьёслэн герњаськемзылэн ёзчиез (1982-тћ арысен). Творчествоезлэн одћгез валтћсь темаез – М. Е. Салтыков-Щедринлэн произведениосыз. Соослы сћзем суредъёсын-иллюстрациосын действилэн фантасгорической атмосфераез но геройёсызлэн гротескной характеристиказы возьматэмын (“Губернские очерки” (1981-тћ арын потэмын), “Господа Головлёвы” романлы (1983-тћ арын), 1988-тћ арын потэм выжыкылъёсызлы лэсьтэм литографиос – ваньмыз Удмурт Элькунысь изобразительной искусствоосъя музейын интыямын). Мукет ужъёсыз: “Скоро будем на луне”, “Мы старый мир разрушим”, “Культурная программа” нимо автолитографиос (1987-тћ арын лэсьтэмын); “Аллегория войны” автолитографиосын сузьет (1985–87-тћ аръёсы лэсьтэмын) – Удмурт Элькунысь изобразительной искусствоосъя музейын интыямын; “Распрямиться до конца” литография (1991-тћ арын лэсьтэмын); “Покушение на реликтовую рыбу” (оргалит, темпера 1992-тћ арын лэсьтэмын). 1979-тћ арысен зональной, быдэс Россиысь но союзысь суредасьёслэн адњытонъёсазы пыриське. 1988-тћ но 1991-тћ аръёсы Москваын персональной адњытонэз вал.