Новоильинской культура,

вазь энеолитысь (выль вапумлэсь азьло 3-тћ сюрс аръёслэн нырысетћ шор вакытэз – шорыз) археологи лулчеберет, Волга но Кам регионъёсын вќлмемын вал. 1950-тћ аръёсы синпельметэз О. Н. Бадер шараяз но эскериз, нош берлогес Р. С. Габяшев, А. А. Выборнов, В. В. Никитин, Л. А. Наговицын но мукет тодосчиос эскеризы. Та лулчеберетысь 60-лэсь тос синпельметъёс тодмо луо, нош 30-эз соос пќлысь гудыса-копаса эскеремын. Тужгес но бадњымъёсыз пќлы Новоильинской 3, Тюремка 1, Тюремка 2, Татарско-Абезийской, Сауз 2, Шор Шадбегово 1, Кочур 4, Красный мост 3 гуџинъёс но Белая шурлэн улћ бызёназ интыяськем Строганаевской шайвыл пыро.
Новоильинской гуџинъёсын 1–3 улонниос но гурт-хозяйство лэсьтћськемъёс вал. Улонниос љыныё сюе лэсьтэмын, кузялаесь, ог-огенызы липем ветлонниосын герњаськизы. Керамикаез кабезъя неолит вакытлы тупа, нош џемгес – паськыт чыртыен но шонер бордъёсын. Аспќртэмлыко чыртыязы чиньыен пачкатыса лэсьтэм венчикъёс луо. Пужыен быдэс педпалыз чеберъямын вал: њуски выллем (гребенчатой) штампъёсын но паньгатыса лэсьтэм гопъёсын. Куд-ог синпельметъёсысь кункышет выллем пужыен чеберъям посуда (горшокъёс, сосудъёс) шедьтэмын. Неолит вакытэн џошатоно ке, энеолит вакытысь тусьты-пуньы џемгес котырес (овальной) бадњым штампъёсын чеберъямын. Из тћрлык бадњымесь пластинаослэсь но пилеъёслэсь лэсьтэмын: пукыџ ньќл шиос, скребокъёс, пуртъёс, пась лэсьтонъёс; куддыръя нош – сланецлэсь: тћръёс, гыр тћръёс (тёсло), копанъёс (долото). Озьы ик ыргонлэсь лэсьтэм арбери шедьтэмын. Лулчеберет пушкын куинь интыысь ёрос висъяны луоно: камской, вятской но средневолжской. Соослэн инъетсы неолит вакытысь луэ. Котькудћз ог-огезлэсь керамика лэсьтон кабеныз (традициеныз) висъяське. Н. к.-лэн пќрмемез но љужамез сярысь юан ќжыт эскеремын. Солэн выжыосыз неолитысь пото, луоз.
Лит.: Бадер О. Н. Поселения турбинского типа в Среднем Прикамье // МИА. Вып. 99. 1961; Крайнов Д. А., Наговицын Л. А. Энеолит центра Русской равнины и Приуралья // Эпоха бронзы лесной полосы СССР. Археология СССР. М., 1987.