Нюръёс

Удмуртилэн улосвылаз (1995-тћ ар азелы) 700 пала нюръёс лыдъясько. Огъя быдњалазы 59 сюрс га-лэсь ятыр луэ. Нюръёсысь поттыны чаклам торф 204,7 млн. тонна лыдъяське (40 %-ъем мускытлыкен). Трос пичиесь торфо нюръёс (90 % пала) вќлмемын, кудъёсызлэн быдњалазы 300 га-лэсь ќжытгес луэ. Со нюръёсын вань торф пќлысь 50 %-эз кылле. 5 нюръёслэн (Бачумово, Дзякино, Карамбай-Пычасской, Орловской но Нюрдор-Котьинской) быдњалазы 1000 га-лэсь ятыр, отын вань торф пќлысь 13 %-эз кылле. Торфо нюръёс мускытэз возись интыос луо, малы ке шуоно отын 88–97 %-эз – ву, 2–10 %-эз – куасьмем вещество но 1–7 %-эз – газ. Нюръёсын вуос шќгесь. Минеральной составзы тыметъёсын но шуръёсын выллем. Вузы гидрокарбонатно-кальциево-магниево-натриевой, шоро-куспо минерализациен. Отын туж трос гуминовой органической веществоос. Тужгес но тросэз нюръёс (97,7 %-эз) лазег, нёжал интыосын пумисько.