Нянь

(индоиранской *nan’ – нянь кыллэсь),
чырс колњолэсь лэсьтэм сиён продукт, котырес (сукыри) яке ќжыт золскем формаен. Традиционно удмуртъёс њег яке сезьы пызьлэсь пыжиськизы, шергес – вазь но чабей пызьлэсь. Нянь пыжон дыръя кутћськись тћрлык: нянь шумес, пызез чылкытатон понна дуско, пуж, гур пушкы нянез понон пулэсь лэсьтэм лопатка, нянь кудыос но мукет. Удмурт семьяын нянь пыжон кышномуртлэн инъет ужез вал. Празднично-ритуальной няньёс чырс яке огшоры, сдобной колњолэсь пыжиськизы, кылсярысь, мушник (њуч сямен – наливные шаньги): њег пызьлэсь лэсьтэм куарнянь вылэ чабей, йыды, сьќдчабей яке кќжы пызьлэсь пќзьтэм сурет зыраське вал. Кузьым понна пыжиськем – бискыли (њуч сямен – коржик) вылћ качествоен валэс тысьлэсь изэм пызьлэсь. Праздничной удмурт љќкез вашкала дырысен орнаментированной пыжиськемъёс чеберъяло вал – юача (њуч сямен – коврижки), шекера (њуч сямен – сдобные шарики), тетер (њуч сямен – сдобные печенья), вќйын пќзьтэм (њуч сямен – хворост). Удмуртъёс нянез туж вылће љуто вал. Нянь сесьскон кылъёс но сћзён кылъёслэн формулаосазы пыре вал: «Нянь понна!», «Шыд-нянед мед луоз љќк вылады» но мукет. Нянь вылэ лёгиськонэз бадњым сьќлыкен лыдъяллязы. Солэсь пырыоссэ но нянез тћяса бусые гинэ куяны яра вал, «выжыед музъемын» кылъёс вераса . Удмуртъёслэн семъя но мер обрядъёсазы адямилы умой мылкыдзэс но њеч сћзёнзэс возьмотон пус вќйын нянь вал.
Лит-ра: Соковнин Г. И. Удмуртская кухня. Ижевск, 1975; Трофимова Е. Я. Как сложилась народная кухня удмуртов. Ижевск, 1991.