Мыдланьшай,

8–9-тћ дауръёсысь удмурт шайвыл, Глазов ёросысь Адам гурт вќзын, Чупчи шурлэн бур пал ярдураз интыяськемын. Элькун значениен археологи синпельмет. 1957–58-тћ аръёсы В. Ф. Генинген эскеремын – 86 шайгу копамын но эскеремын. Ватэмъёс пулэсь лэсьтэм шайкоросъёсын шќй интыян обрядъя лэсьтэмын. Шайгуосын пумиськись тћрлыкъёс: пќртэм пумо чеберъяськонъёс, ужан но пыџал тћрлык, гурт лонын кутћськись арбериос. М-ысь археологи шедьтэмъёс синпельметлэсь дырзэ (хронологизэ) шараяны, 3–9-тћ дауръёсысь полом лулчеберетэз висъяны но валэктыны, шор дауръёсысь удмуртъёслэн вашкала историзыя но лулчеберетсыя юанъёсты валэктыны луонлык сётћзы.
Лит-ра: Генинг В. Ф. Мыдланьшай – удмуртский могильник 8–9 вв // ВАУ. Вып. 3. Свердловск, 1962.