Мельников Николай Васильевич

(вордћськемын 28-тћ тулыспал толэзе 1905-тћ арын Сарапул карын), горной ужъя российской тодосчи, СССР-ысь Тодосъёсъя академиысь академик (1962-тћ арын), член-корреспондент (1953-тћ арын), РСФСР-ысь тодос но техника удысъёсь сћё-дано ужась (1960-тћ арын). Свердловскысь В. Вахрушев нимо горной институтэз йылпумъямез бере, 1933-тћ арын горной промышленностьын пќртэм должностьёсын ужаз. Эгыр промышленностья Академилэн профессорез (1950–56-тћ аръёсы), горной ужъя институтлэн кивалтћсезлэн воштћсез (1955–64-тћ аръёсы), СССР-ысь эстћськон промышленностья Кун комитетлэн тќроез (1961–65-тћ аръёсы), СССР-ысь Тодосъёсъя академилэн Президиумезлэн ёзчиез (1966-тћ арысен), СССРысь Тодосъёсъя академилэн Музъемлэн физикаезъя институтэзлэн физико-технической горной шуг-секытъёсъя люкетэзлэн кивалтћсез (1967-тћ арысен). 1968–78-тћ аръёсы СССР-ысь ВДНХ-лэн Валтћсь комитетэзлэн тќроезлэн воштћсез. 1977-тћ арысен СССР-ысь Тодосъёсъя академилэн музъем пушез (недраосты) комплексной эскеронэн герњаськем шуг-секытъёсъя институтэзлэн кивалтћсез. 300-лэсь трос научной исследованиосыз тросгес усьтэм амалэн месторождениосты разработать каронэн, горной но пуштытон ужъёсты инженерной амалэн лыдъянэн герњаськемын. М. Сарапулын 19 ар џоже улћз. Татын 187-тћ арын тодосчилэн музей-коркаез усьтэмын. СССР-ысь Вылћ Кенешлэн депутатэз вал (6-тћ ќтчамаз). СССР-ысь Кун премилэн лауреатэз (1946-тћ арын). Ленинлэн но мукет орденъёсын но медальёсын данъямын.
Ужъёсыз: Добыча ископаемых открытым способом. М.-Л., 1948; Энергия взрыва и конструкция заряда. М., 1964ю