Малыгин Степан Иванович

(вордћськемын 1889-тћ арын Ватка губерниысь Глазов уездысь Пертегуртын – кулэмын 1922-тћ арын Дебес черкогуртын), ожгар но партийной адями, Граждан оже пыриськемын. Куинь классъем земской училищеез йылпумъяз. 1910-тћ арын коньывуон толэзе армие кошкиз, унтер-офицер луиз. 1911-тћ арын, висёнэзлы луыса, лэземын. 1914-тћ арын гудырикошкон толэзе нош ик армие ќтемын, улћз Петербургын инженерной мастерскойёсын. 1917-тћ арын 6-тћ куартолэзе большевикъёслэн партиязы пыриз но Петроградысь ожгар организацилэсь ВЦИК-лэн нырысетћ составаз быръемын. 1917-тћ арын коньывуон толэзе РСДРП-лэн Петроград карысь комитетэз сое вордћськем палъёсаз Уралэ Дебесэ Совето кивалтэт лэсьтон понна келяз. Губернской ќтчаме Дебес волостной Советъёслэн ќтчамысьтызы делегатэз вал (1918-тћ арын толшор толэзе). Губисполокомлэн ёзчиеныз но продовольственной ќрилэн тќроеныз быръемын. 1918-тћ арын инвожо толэзе Ватка губком сое Восточной фронтэ командировать каре. Со арын ик пќсьтолэзе М. губернской военком каремын. 1918-тћ арын гудырикошкон толэзе, Ижевск-Воткинск ёросын бугыръяськонъёс ортчем бере, М. нимысьтыз Ватка дивизия кылдытэ, кудћз Прикомучлэн Калык армиезлэсь Ижескез но Воткинскез мозмытонэ пыриськиз. 1918-тћ арын шуркынмон толэзе М. Ваткае берытске, Колчак наступать карон дыръя Восточной фронтлэн куинетћ армиезлэн 30-тћ дивизияз политкомиссар карыса келямын. 1920-тћ арын М. Пермь чугун сюреслэн комиссареныз пуктэмын. ВАО-лэн кивалтэтэзлэн куремезъя, 1922-тћ арын тулыспал толэзе М. Удмуртие каремын – Дебес уездэ – земской отделэн кивалтон понна. 1922-тћ арын 14-тћ инвожо толэзе партилэн Дебес укомезлэн секретаряз быръемын. Горд Кизили орденэн данъямын.
Лит-ра: Они спажались за Родину. Ижевск, 1957; Зубарев Л. А. Хлеб Прикамья. Ижевск, 1967.