Макаров Зосим Исаакович

(вордћськемын 31-тћ коньывуон толэзе Удмурт Элькунысь Кез ёросысь Лома гуртын – кулэмын 11-тћ коньывуонэ 1994-тћ арын Ростов-на-Дону карын), Совето Союзлэн Героез (4-тћ тулыспал толэзе 1944-тћ арын), авиациысь генерал-майор (1968-тћ арын). 1936-тћ арын Пермьысь педагогической институтлэн рабфаказ дышетскыны пыриз, 1937-тћ арын НКВД-лэн нылпи приёмниказ ужаз, Пермьысь авиаклубын дышетскиз. Пермьысь пилотъёсты дасясь ожгар авиационной школаез 1940-тћ арын йылпумъяз. Быдњым Отечественной ожгарын 1941-тћ арысен шуркынмон толэзьысен. Волгаысен Дунаёзь ожгар сюресэз ортчиз, Западной, Калининской, Воронежской, 1-тћ Украинской фронтъёсын ожмаськиз. 2-тћ омыр армилэн 5-тћ штурмовой авиационной корпусэзлэн 4-тћ гвардейской штурмовой авиационной дивизиысьтыз 91-тћ гвардейской штурмовой авиационной полкезлэн эскадрилиезлэн командирез вал. 150 ожгар лобанъёсы потаз. 1949-тћ арын Военно-воздушной академиез, нош 1959-тћ арын Генштаблэсь Военной академизэ йылпумъяз. 1975-тћ арозь ВВС-ын служить кариз. Ленинлэн орденэныз, 2 Горд Знамя орденъёсын, Отечественной ожгарлэн I-тћ но II-тћ степенё орденъёсыныз, Горд Кизили орденэн но пќртэм медальёсын данъямын.