Магнитофонъёс,

магнитной гожтон но куара поттон понна аппаратъёс. Удмуртиын бытовой М.-ёс любительской гожтон но фонограммаосты магнит лента вылын шудытон понна потто. М.-ёсты Ижкарысь «Аксион» нимо акционерной огазеяськон поттэ, 1982-тћ арысен портативной 1 яке 2 кассета пононэн моно- но стереомодельёс. Нырысетћез серийной поттонэ лэземез модель – касетаен монофонической ИЖ-306 М., солэн лэсьтон амалэз (конструкциез) «Электроника-302» (Зеленоград карысь «Элион» производственной огазеяськем) М.-лэсь асэстэмын вал. Со дыре ик предприятиын магнитофонъёсты проектировать каронъя асьсэ конструкторной бюрозы радъямын вал. 1984-тћ арын со бюроын касетаен стереофонической М.-лэн универсальной питаниен выль моделез кылдытэмын (ИЖ-М-303С выллем).
1988-тћ арын предприятиысь А. Р. Чаузов, А. С. Тепляков, И. Б. Локтев, А. М. Бочкарёв конструкторъёс огшоры, егитъёс понна капчи ИЖ-М-305С М. кылдытћзы. Со М.-ын оригинальной комплектной лента кыскон механизмез (ЛПМ) асьсэ кылдытэм вал, соин ик со «305» -тћ модельлэн секталаез, «308» -тћеныз џошатыса, кык поллы ќжытгес луиз. Бергес со ЛПМ-лэн технической документациез Курган, Санкт-Петербург, Фрунзе, Чебоксары каръёсысь приборъёс лэсьтћсь предприятиос басьтћзы. 1990-тћ арысен ИЖ-М-306 С (конструкторъёсыз – С. А. Перевощиков, А. А. Сучков, Л. И. Казаков, В. Р. Бузнаков) моделен кассетной стереофонической М.-ёс поттыны кутскизы. Со м-ын чакламын но лыдэ басьтэмын туала аппарат лэсьтонъя азинсконъёс: пачкес проводъёс, концентрической разъёмъёс, огъя печатной плата М-лэн электро люкетэз понна. 1995-тћ арын Удмуртиын 69 342 М. поттэмын, 1996-тћ арын – 269 940 М.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э