КОЖ ЕВНИКОВ Юрий Васильевич (в. 4.2.1932, д. Заречная Медла Дебёс ёрос, УАССР), инж.-механик, техника наукаосъя д-р (1966), проф. (1967), Татарстан Республикалэн Наукаосъя Академиезлэн чл.-корр-ез.

1955 арын Казаньысь авиацияя институтэз быдтэм муртэ отчы ик кельтизы, улытозяз отын ик ужаз. Вал деканлэн воштисез, 1972 арысен ялан кафедраен кивалтиз, 1977–87 аръёсы ректор. 8 монография, 3 учебник но 100-лэь трос статьяос гожтиз.

Наукаын эскероно удысэз — научной эскеронъёсты стохастической процессъёсты но системаосты авиация но ракетаос лэсьтон удыслы тупамон умоятон но автоматизировать карон (оптимизация и автоматизация науч. исследований стохастич. процессов и систем с приложениями в авиац. и ракет. технике). К. Труд. Горд Знамя (1981), Калыкъёс куспын эшъяськон (1986), орденъёсын но медальёсын пусъемын.

Ужъёсыз: Статистическая оптимизация ЛА. М., 1978; Автоматизация мелкосерийного машиностроительного производства и качество продукции. М., 1983. (В соавт.); Основы систем автоматизированного проектирования: Уч. пособие. Казань, 1988. (В соавт.)

Лит.: Академия наук Татарстана. Казань, 1992. С.142–144.