Коньыбыж

(Equisetum, њуч - хвощ), коньыбыж семействоысь споровой будос. Дуннеын тодмо ог 30 пќртэм, Россини - 17, Удм. шаерын - 7. Вќлмемын быдэс музъем вылын, Австралиын но Выль Зеландиын сяна. Будэ возьёсын, нюръёсын, нюлэсъёсын но тыосын. Люкето спорофитъёсын, емыш кадь выжыё трос аръем будос турын. Спораосыз вуо спорангиосаз, кудъёсыз интыясько шеплы укшась йылъёсаз - стробилаосын. Спораосысь пото туж векчиесь (кќня ке мм) пушъетъёсыз (гаметофитъёс). Выжы емышъёссэ но стробилаоссэ, «пешникъёссэ, мукылиоссэ», сиыны луэ. Сћзьыл но толалтэ кыр парсьёслы сиён луо. Эмъюм будос, кутћське мочегонной эмъюм чотын. Толйись коньыбыжез куто тусьты-пуньыез сузяны. Лудын, нюлэскын, возь вылын будћсь коньыбыжъёс шуген быдтоно жаг турынъёс луо. Камышковойзэ утьыны кулэ. Луд коньыбыж сянаез, ядыё, сиыны уг ярало.
Лит.: Редкие и исчезающие виды растений и животных Удмуртии. Ижевск, 1988.