Кияр, огреч

(Cucumissativus, њуч - огурец), тыквенной семействоысь одћг аръем турыно-емышо будос. Модосэз нюжтћськись яке маке кузя љутћськись (лиана), вить сэрго векчи пигонэн шобыртэмын, кузялаез 1,5-2 м. Однодомной будос. Кыр интыосын тодмо ќвќл. Огречез будэто быдэс дуннеын. Емышез вожен сиыны мынэ, сылалтыса но мариновать карыса. Дунъяло ческыт луэмысьтыз. Хим. составез, % вераса: вуэз 94,3-98,2, кќс вещ-осыз 1,8 - 5,7, соос пќлын сахарез 1,07-2,54, белокез 0,56-1,1, клетчаткаез 0,33-0,78, кќйёсыз 0,08-0,27, пенез 0,25-0,58. Витаминъёсыз туж ќжыт. Кельшымон сайкыт но ческыт каро эркысь органич. чырсъёс (16-68 мг 100 г кќс веществолы быдэ). Огреч - вашкала культура. Вордскем интыез Индия, шуо. Будэто асьме эралэсь 3 сюрс арлы азьло. Асьме кунын 9 даурысен. Россини будэто кќня ке дасо сортъёссэ. Удм. шаерын вќлмемын таџеосыз: ТСХА 442, Эстафета, Зозуля, Муромской, Неросимой, Вязниковской, Изящной, Апрельской, вазь вуись Алтайской. Изъянтћсьёсыз но висёнъёсыз: вотэс клещ, кей, бактериоз, пызь лысву, тќдьы сись но мук.
Лит.: Богатырев Н. И. Огурцы под плёнкой. Ижевск, 1973.