Капитализмлэн вордскемез

(19-тћ даурлэн кутсконэз – 1861-тћ ар)
18-тћ даурлэн кыкетћ љыныяз – 19-тћ даурлэн кутсконаз Россиын феодально-крепостнической кусыпъёс куашканы кутскизы. Со интые апиталистической радлык азинскыны кутскиз. Удмуртия, пичияк бергес кыльыса, та процесслэн огъя мынэтаз итћськиз. Улосвылын чыры-пыры вуз поттон (мелкотоварное производство) азинскиз, капиталистической промышленной предприятиос кылдћзы, крестьянъёс пќлын мерлыко пќртэмлык будћз, Россилэн мукет ёросъёсыныз кусыпъёс юнмазы. Калыклэн лыдыз будћз. 1860-тћ арын 918,7 сюрс адями лыдъяське вал. Сураськем гуртъёслэн лыдзы но будћз. Ватка губерниын 1335 удмурт, 189 бигер, 153 пор, 6 бесермян но 155 суро (џемысь удмурто-њучо) гуртъёс лыдъяськизы. Уйпал-љытшор волостьёсын удмуртъёсты њучомытон мынћз, нош Татарилы матын ёросъёсын – бигермытон. Калыклэн лыдыз будэмен, крестьянъёслэн музъемъёссы пичиязы. Генерально межевание дыръя котькуд пиосмурт луллы 15 десятина музъем сётћськиз. Удмуртиысь крестьян общинаос 2,3 млн. десятиналэсь трос музъемъёссэс ыштћзы. Со музъемъёс казнае яке бадњым чиновникъёслы люкылэмын вал. 1850-тћ арын Б. Лобанский агрономлэн гожтэмезъя, ватка крестьянъёслэн одћг пиосмурт луллы 5,2 десятина гинэ усе вал. Нюлэсъёсты бусыос улэ кораны ќз ни луы, куинь бусыосын сќзнэт куашканы кутскиз. Урожай басьтон пичиёмиз. Гурт ужын кутћськись тћрлык ќз воштћськы. Ощьы ке но, 40-тћ аръёсы опытной крестьян хозяйствоос музъемез выль сямен удобрить карон амалъёс, выль тќрлык но выль сортъёс (њег, сезьы, йыды, етћн) утчазы. Интыысь но кунгож сьќрысь 40 пала сортъёс кизиськизы. Выльдытонын бадњым инты сельхоз адњытонъёс (выставкаос) басьтћзы. 19-тћ дурлэн кыкетћ љыныысеныз кутскыса 60-тћ аръёсозь Ватка губерния Россиын њег но яровойёс кизёнъя 1-тћ, валовой октоонъя 2-тћ но вузаны поттонъя 3-тћ интыос басьтылћз. Удмуртия Архангельске, Петербурге, Перм губерние Ватка губерниысь вань поттэм ю-нянь, пызь, кеньыр, етћн но етћн кидыс пќлысь 40 %-сэ сётэ вал. Трос ю-тысь интыысь аракы пќзьтон заводъёсын уже кутћськиз. Ю-тысь рынок котырын 18-тћ даурын басьясьёслэн (скупщикъёслэн) сќзнэтсы кылдћз. Векчи агентъёс вуз поттћсьёслэсь ик нянь октылћзы, нош собере суменак басьтћсь вузчиослы (купецъёслы) вузаллязы. Сыџе адямиос пќлысь трос ужбергатћсьёс потћзы.
19-тћ даурлэн нырысетћ љыныяз мерлыко пќртэмлык вань крестьян огазеяськемъёсы пыриз. Озьы ке но удмурт крестьянъёслэн люкиськонзы зол ќз адњиськы. Капиталистической кусыпъёс туж каллен азинскизы. Солы муген кык полэс зћбет – экономической но национальной – вал. Озьы ик бадњым инты бускель община басьтћз, кудћз вань крестьянъёсты огкадь возьыны тыршиз. Собере удмуртъёс тросгес ас понназыгес уло вал, мукет калыкъёсын кусыпъёс туж ик ќз возьылэ. 19-тћ даурлэн нырысетћ љыныяз Сарапул но Елабуга каръёс бадњым вузаськон центръёс луизы. Отын трос вузчиос, ремесленникъёс улћзы, торгово-промышленной заведениос иныяськизы. Сарапул сапег лэсьтћсьёсын нырысетћ инты басьтэ вал. Тросэз куысь арбери лэсьтон предприятиос 18-тћ даурлэн берпуметћ ньыльмосаз гинэ кылдћзы. 1850-тћ арын Удмуртиын 20 ку заводъёс лыдъяськло вал. Котькудаз 2-3 адями ужаз. Сыџе ик пичиесь майтал пќзьтон (3 адями), поташной (8), кирпич лэсьтон (6), Сюсьтыл лэсьтон (3), пияла поттон (3), чингыли лэсьтон (2), сиён-юон поттон (4), сур пќзьтон (2) предприятиос но вал. Бадњымъёсыз пќлы ас киосысьтызы чугун џыжатон но корт лэсьтон заводъёс пыризы: Пудемской (1759-тћ арын усьтэмын), Залазнинской (1772-тћ ар), Песковской (1772-тћ ар), Омутнинской (1775-тћ ар). 1850-тћ ар азелы соос 400 сюрс пуд чугун но 134-143 сюрс пуд корт ар куспын лэсьтылћзы. Бадњым люкетэз улосвыл сьќры кошке вал. Кыкетћ интыын продукция поттонъё но ужась адямиосызъя хлопчато-бумажной промышленнось вал, кудћз Малмыж уездын интыяськиз. Бигер вузчиослэн Утямышевъёслэн, Ф. Аптыковлэн, Д. Якуповлэн 12 кумач но китайка поттон фабрикаосазы но 2 бумагопрядильной заведениосазы Џукпал кунъёсы вузан понна 3,4 млн. аршин китайка но кумач поттћськиз. Ужын эрико бигеръёс кутћськизы.
Капитализмлэсь вуонзэ Бондюгаысь К. Я. Якушевлэн химической заводэз возьматћз. Со заводын паровой машинаез но вал ни, азьмынћсь европейской технологиос но кутћськизы. Промышленность азинсконын бадњым инты Воткинск (1759-тћ арын усьтэмын) но Ижевск (1760-тћ арын усьтэмын) казённой корт лэсьтон заводъёс басьтћзы. Соос П. И. Шуваловен Горооблатской заводъёсысь вуись чугунэз выльысь обработать карон понна усьтэмын вал но капиталистической мануфактураос лыдъяськизы. Заводъёсын крепостной мастеровой но работной адямиослэн но гожтэм крестьянъёслэн ужзы кутћське вал. 1807-тћ арын А. Ф. Дерябин Ижевскын ож тћрлык (пыџал) поттон казённой завод усьтћз. Та заводъёсын умой качествоен лэстэм андан, корт, инструментъёс, якорьёс, ез, часъёслы пружинаос, ридерсъёс, пыџалъёс но трос мукет арбери Удмуртилэн улосвылэз сьќры кошкылћз.
Вузъёсты Кам, Ваика но отчы усись Чупчи, Кильмезь, Вало, Иж шуръёс кузя нуллћзы. Камско-Вятской бассейнын удмурт улосвылын 23 пыж дугдонни вал. 1817-тћ арын Волга но Кам кузя пароходъёс ветлыны кутскизы. 1847-тћ арын Воткинск заводын шуръёстћ ветлћсь пароходъёс поттыны кутскизы. 1846-тћ арын Перм пароход мерлык кылдэмын, нош Камско-Вятскоез – 1851-тћ арын. Удмуртилэн улосвылтћз Сибирь сюрес кошке вал, нош уйпал люкетаз – Вятско-Пермской тракт но Елабугаез Вяткаен герњась сюрес. Озьы ик просёлочной коммерческой сюресъёс но вал. Умой ву сюресъёс Удмуртиез быдэс Российской но европейской рынок кусыпъёсы поттыны юрттћзы. Удмуртия нюлэс, нянь, кќй-вќй, ыжгон, трос хлопчато-бумажной басма, ку, пыдкутчан, аракы, майтал но туж трос корт но чугун сётэ вал.
19-тћ даурлэн нырысетћ љыныяз мерлыко политикаын кун гуртэз зћбон кужмояз. П. Д. Киселёвлэн воштћськонъёсызъя, мултэс трос чиновникъёс луизы. Крестьянъёслэн коньдон тыронъёссы будыны кутскизы. 19-тћ даурлэн 20-тћ аръёсаз со котькуд ревизи адямилэсь 14 манет луиз. Натуральной повинностьёс озьы ик кылизы, тужгес ик секытъёсыз сюрес понна но ямской вал. 1815–1818-тћ аръёсы сюрес понна тырон коньдонэн воштэмын вал, 1819-тћ арын выльсь азьло кадь ик луиз. Крестьянъёс озьы ик тюрьмаосты, этапной пунктъёсты возён но пуктон понна тырыны кулэ вал.
Национальной политикаын кќня ке небытомон адњиськыны кутскиз. Язычествоез сыџе ик ќз ни куаретэ. Удмуртъёс ттросэз черке официально пыремын ке но вал, язычествозэс ќз вунэтэ. Николай I-лэн косэмезъя, 1838-тћ арын Синод Ватка архиепископлы гожтћз, крестьянъёс язычествозэс вунэтымтэзы понна медаз кыл кутэ шуыса.
П. Д. Киселёвлэн воштћськонъёсыз бере Ватка губерниысь кун гуртъёсын 1841–1843-тћ аръёсы «картофка бугыръяськонъёс» ортчизы. Крепостнойёс пќлын эрик понна бугыръяськонъёс ортчылћзы. Озьы, Малмыж уездысь Озёрова помещицалэн кулэмез бере крестьянъёсыз сое тодыса асьсэдыс эрико лыдъяны кутскизы но оброк тыремысь но барщинаын ужамысь дугдћзы. Туж трос курок (разбойник) огазеяськемъёс вќлмизы. Сарапул уездын кык арлэсь кема К. Усмановлэн огазеяськемез кузёяськиз но интыысь кивалтћсьёсыты кышкатыса возиз. Удмуртиысь ужась калыклэн 30-тћ аръёсы феодально-крепостнической сќзнэт пумит нюръяськонэ љутскемез сое куашкан калэ вуттћз. Та 1861-тћ арын кутскем воштћськонъёс пала нырысетћ вамыш вал.

Промышленной капитализмлэн азинскемез
19-тћ даурлэн кыкетћ љыныяз Ватка губерниысь удмурт агропромышленной улосвыл Урал горно-металлргической округе пыре вал, кытын бадњым заводъёсын џош одћг интыын полупатриархальной гурт, паськыт азинскем промыселъёс герњаськизы.
Туж кулэ луись Кам но Ватка шуръёс кузя ву сюресъёсын џош чылкак сюрестэм интыос но пумиськизы. Со экономикалэсь азинскемзэ дугдытэ вал. Удмуртиын огъя музъем 5 538 885 десятина лыдъяськиз. Со пќлысь 53,5 %-эз крестьян музъемъёс вал. Бадњым люкетэз (38,4 %-эз) казналы, удельной ведомстволы, заводъёслы каремын вал. 8,1 %-эз дворянъёс, вузчиос, дано гражданъёс, черк ужасьёс, мещанъёс киын вал.
Калык
19-тћ даурлэн пумаз Удмуртилэн улосвылаз 1 336 402 адями улэ вал, соос пќлысь 93,7 %-эз – крестьянъёс (кун, удельной но помещик крестьянъёс). Гуртъёсын улћсьёс пќлысь нош ик бадњым люкетэз кун крестьянъёс вал – 95,5 %. Соос киын вань музъем пќлысь 94 %-эз вал. Котькуд крестьянлэн музъемезлэн шоро-куспо быдњалаез 17,37 десятина (нормаез – 15 десятина) вал. Кун тыронъёс 1,5 поллы тросгес вал, десятинаысь басьтэмен џошатоно ке. Музъем ужын паровой куинь бусыен сќзнэт кутћськиз. Та сќзнэтэз кема аръёс џоже кутон музъемлэсь урожайностьсэ пичиятэ вал. 19-тћ даурлэн пумаз – 20-тћ даурлэн кутсконаз узыресьгесъёсыз крестьянъёс трос бусыосын ужаны кутскизы, умойзэгес тћрлык кутћзы: герыос, косилкаос, молотилкаос. 60–90-тћ аръёсысь воштћськонъёсын но калыклэн лыдызлэн будэменыз музъем котькуд крестьянлы ќжытгес но ќжытгес кылиз. Соин ик трос возьёс но пудо возьман интыос гыриськизы.
Крестьянъёслэн мукет ужъёссы
Ю-нянь будэтонэн герњаськымтэ уже вань калык пќлысь 17 %-эз выриз: удмурт крестьянъёс – 12,3 %, њучъёс – 19,5 %. 3 пќртэм ужъёс висъяськизы: отьыса (гурт ужъёс, лэсьтћськон, завод уж) – татын 59 %-эз крестьянъёс вал; обработка промыселъёс – 34,4 %; поттћсь промыселъёс (пќйшуран, чорыган, муш возён) –4,6 %-эз крестьянъёс.
Крестьянъёс пушкын висъяськон, вузаськонлэн азинскемез одћг паласен но бадњым промышленность ќвќлтэмен мукет паласен, крестьян промышленность азинскыны кутскиз. 90 пала промыселъёс кылдћзы. Тросгес ќжыт вузъем предприятиос азинскизы (ончарной, веретенной, веялочной, дуриськон, пуньы лэсьтон, сеть керттон), ремесленной производство (вуриськон, буёл поттон, гын гындон), гурт промышленность (куиськон, кут кутан, тусьты-пуньы лэсьтон). Огшоры капиталистической кооперация кылдћз (смолодегтярной, мебельной но мукет). Крестьян мануфактурной производство кылдыны гинэ кутскиз ай: 33,6 %-эз рынок вылэ ужась заведениос 1–3 ужась мурт возизы. Куд-огъёсаз гинэ ужасьёсыз 20-озь вуо вал. Огшоры капиталистической кооперация амалэн 11 %-эз заведениос ужазы. Нимысьтыз производственной инты 7,2 %-эзлэн удмурт крестьянъёслэн вал, њучъёсызлэн – 11,2 %-эзлэн.
Промышленность
19-тћ даурлэн 60–70-тћ аръёсаз ортчем воштћськонъёс асьсэдыс улосвылын 80–90-тћ аръёсы гинэ возьматыны кутскизы. Jжыт вузэн производство инъет вылын капиталистичекой мануфактура кылдыны кутскиз. 19-тћ даурлэн пумаз – 20-тћ даурлэн кутсконаз куд-ог предприятиосын паровой машинаос уже кутћськизы, фабрикаос но заводъёс усьтћськылћзы. Промышленностьлэн металлургической, машина лэсьтон, горнорудной, пыџал поттон, химической, пыдкутчан лэсьтон, пияла лэсьтон, нюлэс отрасльёсыз азинскизы. 1890-тћ арын улосвылын 188 бадњым но пичи предприятиос вал. Соос пќлысь 42,3 %-эз – каръёсын, 57,7 %-эз – гуртъёсын. Каръёсын тросгес пыдкутчан но сиён-юон поттон азинскиз.
Улосвыллэн общественно-политической улоназ бадњым рользы Ижевск но Воткинск заводъёслэн вал. Соосты лэсьтэм но усьтэм бере, 2 бадњым завод посёлок кылдћз. Со посёлокъёсын тодос, лулчеберет, искусство, вуз-коньдон (товарно-денежной) кусыпъёс азинскыны кутскизы.
Ижевскын корт лэсьтон но ож тћрлык поттон заводъёс усьтэмен, трос пќйшуран пыџалъёс поттыны кутскизы.
19-тћ даурлэн пумаз – 20-тћ даурлэн кутсконаз 4 асъет пыџал поттон фабрика вал: Ф. И. Петровлэн, И. С. Березинлэн, А. Н. Евдокимовлэн но М. А. Булдаковлэн. Елабуга уездысь Кураковской волостьын Россиысь тужгес но бадњымез химической производство кылдытэмын. Отчы пыризы Ушаков вузчиослэн Кокшанской хромпиковой (1850-тћ ар) но Бондюжской (1867-тћ ар) химической заводъёссы.
Ку пыдкутчан лэсьттон но поттон центр Сарапул кар луиз. 60-тћ аръёсы отын векчи вуз поттон вал, 70-тћ аръёсы со капиталистической мануфактура луиз, нош 19-тћ даурлэн пумаз – 20-тћ даурлэн кутсконаз фабрикаозь будћз. 10 бадњым предприятиосын ар куспын 30-50 сюрс куз пыдкутчан поттћськиз. Со понна 100-150 сюрс манет басьтћськиз. Котькуд заводын 150-200 адями ужа вал. Бадњым заводъёс Н. В. Смагин, И. Д. Пешехонов, И. Н. Михеев, В. П. Барабанщиков, Н. А. Мощевитин вузчиослэн вал.
Асъет пияла поттон заводъёс Бронницкий советниклэн, 1-тћ гильдиысь вузчилэн И. А. Кононовлэн, Г. Б. Сергеев сћё-дано гражданинлэн; Валамазын Л. П. Матвеев коллежской секретарьлэн но А. А. Лебедев коллежской советниклэн каммерюнкерлэн; Константиновской завод К. А. Юшков помещиклэн; Глазов уездысь Святогорской волостьысь А. С. Дмитриев крестьянинлэн; М. М. Химичев дворянской вузчилэн но мукетъёсызлэн вал.
Сиён-юон поттћсь предриятиос 11 вал, отын ваньмыз ќвќл 1223 адями ужаз. 19-тћ даурлэн пумаз тужгес но бадњымъёсыз: Байтеряковоысь Н. К. Ушаков 1-тћ гильдиысь вузчилэн 1863-тћ арын усьтэм аракы пќзьтон заводэз (70 ужасез), Ижысь И. И. Бодалёв 1-тћ гильдиысь вузчилэн сур пќзьтон заводэз, Сюмсиысь С. Е. Сокуридин коллежской секретарьлэн аракы пќзьтон заводэз но трос мукет. Воштћськонъёс ортчытозь бадњым предприятиос вузчиослэн но чиновникъёслэн киосазы вал. 19-тћ даурлэн пумаз каръёсын предприятиослэн лыдзы трослы будћз мещанъёслы луыса, нош гуртъёсын – крестьянъёслы.
Улосвылын тужгес но бадњым предприятиослэн но фабрикаослэн кузёоссы вузчиос вал. Соос пушкысь ик буржуазия класс кылыдыны кутскиз. 1861-тћ арын 255 вузчи свидетельствоос сётэмын вал, нош 1871-тћ арын – 385. Вузчиос уксёзэс возьыны но будэтыны тыршизы. Соин ик соос торгово-промышленной семейной предприятиос кылдытыны кутскизы. Озьы ик берло дыръёсы вузчиос пќлы мещанъёс лыктыны кутскизы.
Капитализм азинскемен банковской но кредитной ужъюртъёс кылдыны кутскизы. 1865-тћ арын Вятка карын Кун банклэн ёзэтэз усьтћськиз, 1895-тћ арын – Сарапулын; 1895-тћ арын Елабугаын, 1869-тћ арын Сарапулын, 1881-тћ арын Глазовын Кар мерлык банкъёс усьтылэмын вал. Бадњым операциос Волжско-Камской банк пыр лэсьтћськизы, кудћзлэн ёзэтэз Вяткаын 1873-тћ арын ужаны кутскиз. Вань каръёсын но черкогуртъёсын ссудно-сберегательной банкъёс вал.
Вузаськон ВУЗПР
Вузаськон кусыпъёс Поволжьеен, Сибирен, Россилэн уйшор-љытшор люкетэныз юн герњаськемын вал. 90-тћ аръёслэн шорозязы Уралозь озьы ик чугун сюрес лэсьтэмын ќй вал. Пермь-Котлас чугун сюрес, кудћз Удмуртиез Сибирен герњаз, 1898-тћ арын гинэ усьтэмын вал. Общественно-экономической улонэ со бадњым ик пайда ќз вайы, малы ке шуоно уйшор палтћ ќжыт калыкен интыос кузя кошке вал. Вузъёсты нуллонын бадњым инты азьвыл кадь ик ву сюресъёс басьтћзы. Инъет ву сюресъёс (артериос) кузя – Кам но Ватка шуръёстћ пароходъёс ветлћзы, нош отчыозь уйшор палан Чупчи, Залазна, Белая, Омутная, Холуница шуръёс кузя вузъёс вуылћзы, лымшорын – Кильмезь, Вало, Уть, Лумпун, Умяк, Иж, Сива, Кырыкмас, Туймы но мукет шуръём кузя.
Тол вакытэ вузъёсты гужевой сюресъёс кузя нуллћзы. Соос (сюресъёс) почтовой, коммерческой но земской сюресъёслы люкиськизы. Административной, вузаськон но почта кусыпъёс понна быдэс Россилы тодмо 4 бадњым сюресъёс вал: Сибирь, Казанской, Пермской но Вятко-Уфимской трактъёс. Пароход ветлон но чугун сюресъёс лэсьтон кутскемен Сибирь тракт кузя трос вузъёс ќз ни нуллэ.Тужгес но трос вуз Елабуга-Воткинск, Сарапул-Ижевск, Сарапул-Каракулино но Воткинск-Глазов сюресъёс кузя нуллћськиз.
Административной люкиськонэз лыдэ басьтытэк, 19-тћ даурлэн пумызлы Удмуртилэн улосвылаз 6 вузаськон ёрос кылдћз. Соос промышленной но вузаськон интыосынгес кылдыны куткизы. Со интыосысь гужевой сюресъёс кузя Кам, Ватка, Чупчи пристаньёсы, нош бќрысьгес Пермь-Котлыс чугун сюрес дуре, вузъеёсты вайылыны кутскизы. Со вакытэ пичигес вузаськонъёс, ярмаркаос, базаръёс ортчытъяськылћзы. Бадњымесь ярмаркаос Сарапулын, Глазовын, Балезиноын, Играын, Гординоын, Карсовайын, Кестымын, Афанасьевоын, Уканын, Пониноын, Униын, Святогорскын но мукет интыосын ортчытъяськизы.
Вузаськонын тросгес гурт хозяйствоосысь но векчи промышленной арбериос пумиськизы. Ю-нянь басьтонэн 74 контора выриз (49-эз – вузчиослэн, 23-ез – крестьянъёслэн, 2-ез – мещанъёслэн). 19-тћ даурлэн пумысеныз кутскыса арлы быдэ 3 млн. тонна гурт хозяйство продукци вузаськиз-басьтћськиз, нош 80 %-эз ваньмыз пќлысь вал њег, пызь, сезьы. Трос ю-нянь завод посёлокъёслы, аракы но сур пќзьтон предприятиослы но кулэ вал. Огъя верано ке, 1890-тћ арын Удмуртилэн улосвылысьтыз 12 485 000 манет тыр вузъёс басьтэмын вал.
Каръёс
4 карын улћз 37836 адями (вань калык пќлысь 2,8 %-эз): Глазкарын – 3509 адями, Сарапулын – 21398, Малмыжын – 3165 но Елабугаын – 9764 (1897-тћ аръя).
Кар улћсьёслэн сословной составзы 1897-тћ арлы: крестьянъёс – 48,6 %, мещанъёс – 39,6 %, чиновникъёс – 3,9 %, черк ужасьёс – 2,9 %, вузчиос – 2,1 %, дворянъёс – 1,2 % но мукетъёсыз – 1 % пала.
Кар улћсьёс пќлысь тужгес но тросэз пыдкутчан но дћськут вуризы (49,3 %-эз), мукетъёсыз – корка лэсьтћзы (13,4 %), пудо-живот продукциез (8,7 %), етћн (3,7 %), нюлэс (5,3 %) обрабатывать каризы, кылемъёсыз корт но солэсь арбери лэсьтылћзы (5,8 %), инструмент лэсьтћзы (0,7 %). Удмуртъёс пќлысь тросэз (29 адями) Глазкарын промышленностьын ужазы.
Рабочейёс
Рабочейёс интыысь улћсьёс пќлысь тросэз потћзы. 1890-тћ арын 108 пичи но бадњым предприятиосын 16994 ужасез вал, 1900-этћ арын – 23366 адями. Ижевск заводын 3658 кадровой ужасез вал, Воткинск заводын – 6500 адями.
Рабочей класслэн пќрмемезлэн аслаз аспќртэмлыкъёсыз вал. Горнозаводской калык мастеровойёслы (тужгес но трос) но гурт ужасьёслы (таосызлэн музъемзы вал, соос куд-ог юрттон ужрадъёсы пыриськыны кулэ вал – заводъёслы пу дасян но ваён, эгыр сутон) люкиськиз. Кадровой рабочейёс заводэн туж юн кусыпъёсын герањськемын вал – завод – соослэн вань ваньбурзы вал. Рабочей аристократия кылдыны кутскиз. Уралысь рабочейёслэн музъемен но гурт хозяйствоен герњаськемзы одћгез аспќртэмлыксы луэ. Ижевскын ужасьёс музъем воземзылы тырон понна 11-12 час пала заводын ужаны кулэ вал. Лымшор Россиысь заводъёсын со тырон 1,5-2 поллы вылћынгес вал. Солэсь но ќжыт уждунзы Воткинскысь машина лэсьтћсьёслэн, пияла пельтћсьёслэн, аракы пќзьтћсьёслэн, химикъёслэн но куэн ужасьёслэн вал. Казённой заводъёсын ужасьёсты џемысь жугыло вал.
19-тћ даурлэн пумаз 5 забастовка вал. Пыџал поттон заводын ужасьёслэн нырысетћ огыр-бугыр выремзы 1892-тћ арын пќсьтолэзе кутскиз соослы ќжыт уждун тыремен но завод кивалтэтлэн ужасьёсын урод кусыпъёсыныз. Бугыръяськонъёсты зћбломытон понна Казаньысь ожгар рота келямын вал. Мукет аре бугыръяськонъёс нош ик кутскизы, соосын Ф. Алексеев но Ф. Горбатов кивалтћзы. Кивалтэтлэн ужасьёслэсь куронъёссэс ќжыт ке но быдэстоно луиз. 1892тћ арын бугыръяськонъёс Воткинск заводын но ортчизы. 1900-тћ арын Сарапулысь куысь пыдкутчан лэсьтон заводъёсын но забастовкаос вал. Куд-ог дыръя љутскемъёс полициен пумиськылћзы. Озьы ик крестьянъёсно нюръяськонлэсь ќз палэнске. Музъемъёссэс вандонлы пумит Сарапул уездысь Мазунинской, Мостовинской, Галановской, Нечкинской, Козловской волостьёсысьтыз удельной крестьянъёс бугыръяськизы. Соосты зћбломытон понна 7-тћ куартолэзе 1865-тћ арын Казаньысь 300 ожгарчиосын батальон вуиз. 1865-тћ арын Сарапул но Елабуга уездъёсысь крестьянъёс бгыръяськон љутъяллязы. Со понна соос тросэз арестовать каремын но ньќръёсын жугемын вал. 60-тћ аръёсы Омутнинской металлургической, Воткинск но Ижевск заводъёсысь приписной крестьянъёс бугыръяськизы. Кивалтэт кышкатыса но кужымен зћбломытћз соосты. 70-тћ аръёсы крестьян мынэт (движение) ог-дырлы дугдћз.
Кркстьян бугыръяськонъёс выльысь выт тыронъёслы пумит 80-тћ аръёсы кутскизы. Елабуга, Сарапул но Малмыж уездъёсысь музъемъёс вылћ удалтћсьёсыз пќлы каремын вал. Соин ик со интыосын крестьян налогъёс љутэмын вал. Тужгес но бадњым бугыръяськонъёс 1887–89тћ аръёсы Малмыж но Глазов уездъёсын ортчизы. Крестьянъёс пќртэм сямен нюръяськизы. Малмыж уездысь крестьянъёс, кылсярысь, 1884–1888-тћ аръёс недоимкаосты октонлы пумитъяськизы. Сарапул уездысь куке но удельной вылэм крестьянъёс 1888-тћ арын 100 десятина пала музъем ас мылкыдзы киултћзы. Малмыж уездысь 68 гуртъёсысь крестьянъёс выкупной тыронъёсты ќжытгес кароно но соослэсь музъемзэс улћ удалтонэн лыдъяно шуыса курон гожтћзы. 90-тћ аръёсы выт тыронъёс будонлы пумит крестьян бугыръяськонъёс ортчизы. Узинской волостьысь крестьянъёс царь доры адями но лэзьыны туртто вылэм. Крестьян бугыръяськонъёс соослэсь асваланзэс (самосознание) љутыны юрттћзы.