Калыккуспо Восточно-Европейской университет (МВЕУ),

«Экономика, финансы: служба безопасности» нимо Вылћ юридик колледжен, «Прогресс» НИТИ-ен но акционерной огазеяськемен, Hard line international нимо американской фирмаен Ижкарын 1994-тћ арын учредить карем дышетсконни. Учредительёсыз озьы ик «Удмуртия», «Ижевской мотозавод» акционерной огазеяськеъёс, Элькунысь кардиологической центр, Калыкез дышетонъя Ижкар кар кивалтэт но Удмурт Элькунысь куд-ог банкъёс луо на. Университетлэн пуштросаз Вылћ юридик колледж, Вылћ лингвистической колледж, Вылћ педагогической колледж, эмтодос колледж, судебной экспертизаосъя но финно-угроведениея научно-исследовательской институтъёс пыро; гуманитарно-юридической лицей юристъёсты (кышкыт учыръёслэсь утёнъя (безопасностья) служба, налоговой законодательство, хозяйственной право), лингистъёсты (англи, немец, француз кылъёсъя), педагогъёсты (њуч кыл но литература, математика, физика, физической воспитание, удмурт кыл но литература) дася. Ректорез – юридик тодосъёсъя доктор Э. С. Гордон.