Калык художественной промыселъёс,

калык художественной творчестволэн формаосыз пќлысь одћгез. К. х. п.-лэн отрасльёсыз пќртэмесь луо: пужыятскон, керамика, ковёр лэсьтон, пулэсь, излэсь, кортлэсь но кулэсь турлы ваньбур лэсьтон. К. х. п. Быдњым Отечественной ожгар йылпумъяськем бере тужгес љог но азинскыны кутскизы (Ижкарын художественной вузъёс лэсьтћсь фабрика, Глазовын «Стройкерамика» нимо завод усьтэмын). 1997-тћ арын та предприятиос «Россиысь калык художественной промыселъёс» нимо Ассоциацие пыро вал.
Ижкарысь фабрика ыжгон сћньысъёслэсь асьсэ модельеръёссылэн дасям модельёссыя киын лэсьтэм ковровой изделиос поттэ. Ковёръёс вылысь куд-ог суредъёсыз удмурт йќскалык орнаментлы кельшо яке туж матын луо. Озьы ик фабрика индивидуальной куремъёсъя (заказъёсъя) художественной отделкаен трикотажной костюмъёс поттэ. Со костюмъёс, кылсярысь, Л. Зыкина нимо калык артискалэн, Игра, Пичи Пурга, Яр ёросъёсысь лулчеберетъя юртъёсысь хоровой но эктон коллективъёслэн куремъёссыя дасямын. Озьы ик киын, росьписен но печатен пужыятэм, нимысьтыз керттэм арбериос но потто. Пу вылтћ вандылонъя но буянъя цехез ужа. Инъетэз – урало-сибирской амалэн буян техника. Ижкарысь усточиослэн пулэсь лэсьтэм арбериоссы (кухонной наборъёс, дускоос, дурыос, нянь возённиос) вылын йќскалык аспќртэмлыкъёс возьматэмын (адњисько). Ижкарысь фабрикаын К.х.п.-лэсь продукцизэ поттон 90 %-озь вуэ.
Глазовысь «Стройкерамика» художественной росьписен чеберъям посуда, вазаос, кувшинъёс поттэ. Продукцизыя но качествозыя К.Х.п.-лы матын луо Удмурт Элькунысь Камбарка ёросысь Шольинской ЛПХ-ын поттэм пулэсь лэсьтэм арбериос (учконо Художественной вузъёсъя Ижкарысь фабрика нимо статьяез). Элькунысьтымы но финно-угор регионъёсысь усточиослэн адњытонъёссы Ижкарын 1995-тћ арын усьтэм декоративно-прикладной искусствоя центрын ортчыло. 1997-тћ арын ИжГТУ-ын чурыт материалъёсты художественной амалэн обработать каронъя факультет усьтэмын. Кивалтћсез – технической тодосъёсъя доктор М. М. Черных.