ГАВРИЛОВ Рудольф Васильевич (в. 13.6.1937, Шаркан черкогурт, УАССР), экономист, экономи наукаосъя д-р (1978), проф. Дышетскемын МГУ-ын (1961). СССР-лэн Госпланэзлэн экономикая научно-исследовательской институтаз (1970–72), СССР-ысь Наукаосъя Академилэн Экономикая институтаз (1963–70; 1972–79) научной ужась вал; СССР-ысь Министръёслэн Советсылэн Калык хозяйствоя академияз калык хозяйствоын планированиез умоятонъя лабораториен, планированиея кафедраен (1979–91) кивалтиз, Россиысь экономикая институтын кафедраен кивалтиз (1991–93), чорыган хозяйствоя министрлэн но рыбопромышленной биржалэн кенеш сётисез (советник) луыса ужаз.

Наукаын эскероно ужпумъёсыз – ужлэсь азинлыксэ планировать карон, огинын ужан амалъёсты азинтон но ужез дунъян, ваньбурез радъян (экономика матер. ресурсов). Экономикая лекциос лыдзиз Болгариын (1980), Вьетнамын (1983, 1984, 1985), Уйпал Кореяын /КНДР-ын (1987).

Гаврилов экономика наукаосъя 10 кандидат дасяз, дышетскон книгаос, монографиос но 100-лэсь трос статьяос гожтиз.

Ужъёсыз: Измерение производительности труда. Ижевск, 1972; Планирование экономики материальных ресурсов и использование показателя вторичного сырья. М., 1982; Применение в планировании показателя нормативной чистой продукции. М., 1983; Производительность труда: показатели планирования и методы измерения. М., 1985.

Лит.: Христолюбова Л.С. Ученые – удмурты. Ижевск, 1997.