Эмезьпу

(Rubus, њуч - малина), розоцветной семействоысь куарзэ уськытъясь љыныё куак, 120 пќртэм луэ, будэ Евразиын но Америкаын. Удм. шаерын 7 пќртэм. Нюлэсъёсын, корам интыосын будэ огшоры эмезь, кудћзлэсь поттэмын культурной сортъёс. Куаръёсыз куинь полэсэсь, перистосложной. Сяськаосыз айыо-мумыё, понназы тузонњо, тќдьыесь, њуски кылдыто. Емышез жалем многокостянка, кудаз вань 6,07-8,06 % сахарез, органической чырсъёсыз (лимонной, салициловой), 31,9 мг/% С витамин, витаминъёс РР, В, кортлэн, калийлэн, ыргонлэн минеральной сылалъёсыз. Дуно луэ ческыт но эмъюм луэменыз (нюламез, кызез, жоб дыльдыез поттэменыз). Мушъёслы мќль сётэ. Удм. шаерын котькытыназ сад-бакчаосын будэто. Яратэ супесчаной но суглинистой муосты, умой тќласьёссэ, 6 рН луисьёссэ. Тужгес вќлмемын таџе сортъёс: Кузьминлэн новостез, Усанка, Награда, Барнаульской, Калининградской, лызъёсыз пќлысь Кумберленд. Тунсыко луо бадњым мульыё но удалтћсь сортъёс - Абориген, Маросейка, Таганка. Вќлмыто эмезез выжы пушъетъёсын но вайёсын. Куаклы басьто 4-6 модос. Эмезьзэ октэм бере кык аресъем модосъёссэ ишко но куяло. Эмезьлэн изъянтћсьёсыз: эмезь бќчы, эмезь но узы кузьныр, эмезь модос кут; висёнъёсыз: антракноз, сыномон, пурысь сись, Ву котырын, нюлэсъёсын, будо эмезьлэн таџе родъёсыз: намер, лыз эмезь. Утёноосыз пќлы пыртэмын нюр эмезь (морошка). Шаерамы шедьтэмын мыркгес куаро эмезь, кудћз поттэмын луоз эмезез узыен герњаса.
Лит.: Ежов Л. А., Концевой М. Г. Ягодные культуры Уральского сада. Пермь, 1992; Концевой М. Г. Плодовые и ягодные культуры в Предуралье. Ижевск, 1974.

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э