Емышо но мульыё культураос

(њуч - плодовые и ягодные культуры). Адямиен мерттоно яке понназы будћсь писпу, куако яке лиановой трос аръем будосъёс, кудъёсыз сиыны ярамон емышъёс но мульыос сёто. Удм. шаерын емышъёс будэтыны кутскизы XIX-тћ даурлэн кыкетћ љыныяз. Нырысетћ садъёс кылдћзы Сарапулын но Каракулиноын, бергес Алнаш ёросысь Голюшурмаын. Со вал крестьянъёслэн пичигес садъёссы, XIX-этћ даурдэн пумаз, XX-езлэн кутсконаз садъёс кылдћзы Ижкарын, Воткакарын, собере пумен уйшор пал ёросъёсы но вуизы. 1922 арын Можгаын сад калдытћзы, 1925 арысен со луиз нырысетћез гос. емышо-мульыё будос питомник. Нырысетћ колхоз сад кылдћз 1933 арын "Политотдел" к-зын (али С-оз «Правда»). Али со бордын кылдытэмын выль соръёсты поттонъя Ижкар сортоучасток. 1936-1937 аръёсы «Ижевской» нимо сад 100 гектар вылэ мерттэмын вал, Воткинскын но сад кылдытэмын вал - емышо-мульыё сад-питомник. 1939 арын садъёс улын вал 425 га, 1945 арын - 522, 1970 - 5334,7, 1994 - 20 сюрслэсь ятыр га вылын. Тужгес бадњымесь садъёс Ижкарын, Вотка, Завьял, Можга, Сарапул но Глаз ёросъёсын. Бадњымесь садъёссы "Чайковский" (219 га) но Можгинский с-озъёслэн (162 га). Шаерамы садъёсын будэто ог 25 емышо, мульыё но пашмульыё культураос. Тужгес вќдмемын сьќд сутэр, эмезь, узы но вож сутэр. Емышоез пќлысь - улмо, чия. Груша но слива будэто лымшор ёросъёсынгес. Нимаз сад будэтћсьёслэн бакчаосазы шер пумиськисьёсыз но будо: японской айва, актинидия, барбарис, боярышник, виноград, лыз эмезь, сиёно жимолость, ирга, Сибирьысь кедр, лещина, китайской лимонник, облепиха, маньчжурской памульы, невежинской палэзь, сьќд палэзь, виргинской льќмпу. Тросэз емышо-мульыё будосъёс понназы но кыр интыосын будо: вир кадь горд боярышник, кыр чияпу, ошоры лещина, огшоры палэзь, огшоры льќмпу, ягмульы, Паллас жимолость, узы, боры, шупу, нюрмульы, намер, эмезь, сутэр, кудымульы.
Лит.: Ежов Л. А., Концевой М. Г. Ягодные культуры Уральского сада. Пермь, 1992; Концевой М. Г. Плодовые и ягодные культуры в Предуралье. Ижевск, I974.