БЕЛИЦЕР Вера Николаевна (23.3.1903, Рязань г.–4.4.1983, Москва), этнограф, история наукаосъя д-р (1959). В 1925 арын МГУ-ысь обществ. наукаосъя факультетлэсь этнологиен лингвистикая ёззэ йылпумъяз но 1941 арозь Москваысь Калыкез тодонъя музейын (Музей народоведения, Музей народов СССР) научной ужась вал. Волга но Урал котырысь калыкъёслэсь – мордваослэсь, удмуртъёслэсь, башкиръёслэсь – улэм-вылэмзэс, культуразэс эскериз. Экспедициосы ветлыса, музейын та калыкъёс сярысь выставкаос радъялляз, научной статьяос гожъяз. 1943 арын СССР-лэн Наукаосъя Академиезлэн Этнографияя институтаз выже: нырысь аспирант, собере научной ужась, берло кенеш сётъясь (консультант). Мордваослэсь, комиослэсь, удмуртъёслэсь диськутсэс эскериз, трос аръёс чоже Мордовиын этнографияя экспедициосын кивалтиз. Волга - Урал котырысь калыкъёсты чошатылыса, культураысьтызы ог-огзылэсь асэстэмъёссэс, воштиськонъёссэс чаклаз. Та калыкъёсты эскеронын солэн ужез адскымон. Белицер пыриськылиз этнографъёслэн но финно-угроведъёслэн конференциосазы но конгрессъёсаз.

Ужъёсыз: К вопросу о происхождении бесермян (по материалам одежды)//Труды Института этнографии. М., 1947. Т.1 (нов. серия); Народная одежда удмуртов (материалы к этногенезу). М., 1951; Удмурты//Народы европейской части СССР. /Народы мира. М., 1964. Т.2.