БАУШЕВ Константин Михайлович (18.9.1894, Бураново черкогурт Сарапул уезд, Ватка губ.–30.3.1977, Ленинград), удмурт но зуч кылъёсъя тодосчи. Казаньысь духовной семинариез но академиез пырпотыса/быдэстыса, Удмуртиысь гурт школаосын, Ижысь педтехникумын удмурт но зуч кылъёслы дышетиз. 1926–28 аръёсы аспирантураез быдэстыса, Ленингр. пединститутлэн зуч кылъя кафедраяз доцент луыса мойымытозяз ужаз. Вис луиз 1933–39 аръёсы «СОФИН» ужпумъя пытсэт сьоры келяменызы йырин. 1938–39 арын ужаз Томскысь мединститутын. Борысь шонере поттэмын. 1941–45 Лениградэз утёнын ожмаськиз.

Научной ужъёсыз удмурт кыллэсь грамматиказэ эскеронлы но зуч кылэз удмурт школаосын дышетон амалъёслы сиземын.

У жъёсыз: Методика преподавания русского языка в вотских школах 1-й ступени // Просвещение удмуртов. 1927. №1; Синтаксический строй вотской речи и генезис частиц союзного порядка. М.-Л., 1929; Виды придаточных предложений. Л., 1941.

Лит.: Кузнецов Н.С. Шимес пеймытысь. Ижевск, 1992 170–174 б.; Христолюбова Л. С. Ученые – удмурты. Ижевск, 1997. С. 261–262; Загребин Е. Тынад нимыд азьын мон // Инвожо. 1998. № 5. 34–44 б. 		 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э