Бадер Отто Николаевич,

(вордћськиз 29-тћ куартолэзе 1903-тћ арын Полтава губерниысь Годечской уездысь Александровское черкогуртын – кулћз 2-тћ оштолэзе 1979-тћ арын Москваын), археолог, 1964-тћ арысен – истори тодосъёсъя доктор. 1926-тћ арын МГУ-эз йылпумъяз, 1955-тћ арысен СССР-ысь Тодосъёсъя Академилэн археологи институтаз ужаз. Кунгож сьќрысь трос археологи институтъёслэн но меръёслэн сћё-дано ёзчие вал, дышетон ужен выриз. Палеолитысен вазь корт вакытозь трос синпельметъёсты эскериз. Соос пќлын Крымысь Волчий Грот, Волга кузянаысь Сунгирь сылонниос (стоянкаос), Кам котырысь 1-тћ Турбинской шайвыл но мукет. Кќня ке археологи лулчеберетъёсты висъяз но висъям мугъёссэ валэктћз, из но бронза вакытэ финно-угоръёслэн этногенеззы кутскон сярысь тодмо гипотезаос пќлысь одћгзэ сэрттћз-пертчиз. Бадерлэн дышетскисьёсыз Москваын, Пермьын, Ижкарын, Уфаын,, Петрозаводскын но мукет каръёсын ужало. Со тодосчи 12 книга но 400-лэсь ятыр научной статьяос гожтћз. Кама котыр интыос сярысь инъет ужъёсыз пќлысь «На заре истории Прикамья» (1958-тћ ар), «Поселения турбинского типа в Среднем Прикамье» (1961-тћ ар), «Древнейшие металлурги Приуралья» (1964-тћ ар) но мукетъёсыз тодмо луо.