Асьсэ понна ужась (самодеятельной) крезьгурчиос

калыклэн пќртэм социальной сќосысьтыз потэм крезьгурчиос-любительёс, кудъёсыз кырњанъёс гожъяны быгато. 60-тћ аръёслэн кутсконысенызы тужгес но тодмоосызлэн асьсэ понна ужась крезьгурчиослэн кырњанъёссы интыысь газетъёсын, жуналъёсын но нимысьтыз бичетъёсын печатласькыны кутскизы.
Матвеев Геннадий Николаевич (вордћськемын 1-тћ южтолэзе 1930-тћ арын ВАО-ысь Пичи-Пурга ёросысь Ильинское гуртын – кулэмын 2-тћ шуркынмон толэзе 1995-тћ арын Глазов карын), УАССР-ысь лулчеберет удысысь сћё-дано ужась (1967-тћ арын). Ижкарысь крезьгуръя училищеез 1951-тћ арын, УГПИ-ысь кылъя но литературая факультетэз 1955-тћ арын, ГГПИ-ысь музыкально-педагогической факультетэз 1960-тћ арын йылпумъяз. Пичи-Пурга черкогуртысь но Качкашур гуртысь калык хоръёслэн художественной кивалтћсьсы (1952–70-тћ аръёс џоже), ГГПИ-ын старшей преподаватель луыса ужаз. Крезьгур бичетъёсыз: “Вордћськем музъеме”, Ижкарын, 1982-тћ арын; “Вае уломе валче”, Ижкарын, 1991-тћ арын. Калыкын тужгес но яратоно кырњанъёсыз: “Тодћськод-а?” (Ф. И. Васильевлэн кылъёсыз), “Улонмы шулдыр” (Г. С. Сабитовлэн кылъёсыз), “Коштан маке” (Г. А. Ходыревлэн кылъёсыз), “Легезьпу сяська” (Н. В. васильевлэн кылъёсыз).
Новожилов Николай Степанович (вордћськемын 20-тћ тулыспал толэзе 1930-тћ арын ТАССР-ысь Кукмор посёлокын), УАССР-ысь лулчеберет удысысь сћё-дано ужась (1965-тћ арын). Элькунысьтымы культурно-просветительской училищелэсь дирижёрско-хоровой отделенизэ 1966-тћ арын йылпумъяз. Совесткой Армиын служить карыкуз 1951–53-тћ аръёсы Киевской ожгар округлэн кырњанъя но эктонъя ансамблезлэн баянэн шудћсез но кырњанъёс гожъясез вал. УАССР-ысь профессионально-технической дышетонъя сќзнэтысь кырњанъя ансамбльёсаз хормейстер луыса ужаз (1956–78-тћ но 1986–84-тћ аръёсы); “Ижмаш” Культурая юртлэн художественной кивалтћсез вал (1978–86-тћ аръёсы). Кырњанъёсын бичетъёсыз: “Ижевские девчата”, Ижкарын, 1973-тћ арын. Калыкын яратоно кырњанъёсыз: “Эктыны ми яратском”, “Гурт вадьсын калге толэзь”, “Эн мќзмелэ, нылъёс” – ваньмыз Г. С. Сабитовлэн кылбуръёсызлы гожтэмын.
Павлов Геннадий Иванович (вордћськемын 19-тћ коньывуон толэзе 1932-тћ арын УАО-ысь Можга ёросысь Выль Юбери гуртын – кулэмын 23-тћ южтолэзе 1995-тћ арын Можга карын), УАССР-ысь лулчеберет удысысь сћё-дано ужась (1970-тћ арын). УГПИ-ысь кылъя но литературая факультетэз (1955-тћ арын), ГГПИ-ысь музыкально-педагогической факультетэз (1970-тћ арын) йылпумъямын. УГПИ-ын, Пычас посёлокын, Можга карын хоровой коллективъёсын кивалтћз. 1969–95-тћ аръёсы Можгаысь педагогической училищеын преподаватель луыса ужаз. Кырњанъёсын бичетэз: “Лыктэ ми доры”, Ижкарын, 1990-тћ арын. Калыкын тужгес но яратоно кырњанъёсыз: “Гужем љытъёс”, “Кылдэмез озьы, дыр”, “Тонэ малпасько” – ваньмыз А. К. Леонтьевлэн кылбуръёсызлы гожтэмын.
Шаклеин Геннадий Александрович (вордћськемын 11-тћ шуркынмон толэзе 1926-тћ арын ВАО-ысь Шаркан ёросысь Вукошур гуртын – кулэмын 26-тћ толшор толэзе 1984-тћ арын Ижкарын). Элькунысьтымы культурно-просветительской училищелэсь оркестровой отделенизэ 1960-тћ арын йылпумъяз. Воткинск карысь Культурая юртын (1941–53-тћ аръёсы), эктонъя Удмурт Кун хорын но ансамбльын (1953–60-тћ аръёсы) баянэн шудћсь луыса, элькунысьтымы культурно-просветительской учидищеын крезьгуръя дышетћсь луыса (1960–84-тћ аръёсы) тыршиз. Калыкын тужгес но яратоно кырњанъёсыз: “Удмуртия – доре мынам” (кылъёсыз Г. А. Ходыревлэн), “Азьлань валтэ” (кылъёсыз А. Е. Белоноговлэн), “У реки Чепцы-красавицы” (кылъёсыз А. В. Лужанинлэн, берытэмез О. А. Поскрёбышевлэн).
Кузнецов Пантелей Николаевич (вордћськемын 24-тћ шуркынмон толэзе 1937-тћ арын УАССР-ысь Алнаш ёросысь Дятлево (Сизьгуртын) гуртын). Удмурт Элькунысь (1992-тћ арын) но Россия Федерациысь (1998-тћ арын) лулчеберет удысысь сћё-дано ужась. Ижкарысь музыкальной училищеысь дирижёрно-хоровой отделенизэ (1962-тћ арын), ГГПИ-ысь музыкально-педагогической факультетэз (1971-тћ арын) йылпумъяз. 1962-тћ арысен Уваысь искусствоосъя нылпи школалэн директорез луыса ужа. Ува ёрос Культурая юртысь “Купанча” нимо вокальной ансамбльлэн кылдытћсез но художественной кивалтћсез. Нылпи кырњанъёсын бичетэз: “Чибори”, Ижкарын, 1995-тћ арын. Калыкын тужгес но яратоно кырњанъёсыз: “Чипчирган” (кылъёсыз Г. А. Ходыревлэн), “Xуж италмас но шуисько ке ...” (кылъёсыз аслаз ик), “Туриос” (кылъёсыз Н. С. Байтеряковлэн).
Постников Николай Елисеевич (вордћськеымн 25-тћ толшор толэзе 1960-тћ арын УАССР-ысь Алнаш ёросысь Ромашкино гуртын). УАССР-ысь лулчеберет удысысь сћё-дано ужась (1990-тћ арын). Ижкарысь музыкальной учидищелэсь вокальной отделенизэ 1984-тћ арын йылпумъяз. 1984-тћ арысен Алнаш ёрос Культурая Юртлэн баянэн шудћсез но художественной кивалтћсез. Калыкын тужгес но яратоно кырњанъёсыз: “Малпасько тонэ” (кылъёсыз А. А. Кузнецовалэн), “Сюрес дурын” (кылъёсыз Ашальчи Окилэн), “тодад ќд вай ни ке монэ” (кылъёсыз М. И. Федотовлэн).

 
 a  б  в    д  e  ё  ж  з  и  й  к  л  м  н  o  п   c  т  y  ф  x  ц  ч  ш  щ  э