Ыж

(Ovis, овца), тырттэм сюроослэн выжыысьтызы кузо гижыё лулос. Кылдэмын 8 сюрс ар талэсь азьло гурт карем кыр гурезь такаослэсь но кеч такаослэсь – муфлонъёслэсь но архаръёслэсь. Дуннеын 200 пала порода пумиське. Соос сћльзыя но гонзыя пќртэмесь луо. Удмуртиын сћль но ыжгон сётћсь (прекос, цигейской) но романовской шубной породаен ыжъёсты вордо. Кзьдалазы 60 – 110 см. Улон даурзы 9 – 10 арес. Соосты хозяйствоын тужгес но умой вордон дырыз – 6 – 7 ар. Вордскемзы бере 5 – 7 толэзь ортчыса быдэ вуо ини. Пиоссэс 145 – 155 нунал нулло. 1 – 2 ыжпи ваё, романовскойёсыз – 6-озь. 4 группалы люкисько: вакчи гоноесь, полутонкорунноесь, полугрубошерстноесь но грубошерстноесь. Ыжъёслэсь пќртэм ваньбур басьтыны луэ – ыжгон, ку, сћль, кќй-вќй. Йќл поттонзы попродазылэсь, сюдэмлэсь зависеть каре (100 – 250 кг). Удмурт Элькунын котькуд ыжлэсь арскын шоро-куспо 3 кг ыжгон басьтыны луэ. Ыжъёслы мускыт но нюр возьёс уг ярало. Отын соослэн гижы висёнъёссы кылдо но кќлъёссы пото. Соос понна туж умоесь кќсэсь, кизем но кизьымтэ возьёс луо. Удмурт Элькунын ыжъёслэн лыдзы арысь аре кулэсме (учконо Таза сюро пудо статьяез).