Пшкадема покштятненень-покшаватненень

Эрзянь покшт, покштинеть,
Эстэнь покшт, покштинеть,
Покштянь покшавинеть!
Сырк мерезэ, покштинеть,
Матразь, оймазь киськиненк,
Кепсть мерезэ, бабинеть,
Раужо човаля модыненк.
Вана тердтядызь озксов
Кши-салонок варчамо,
Пурень-брагань корштамо.
Начтынк коське турвиненк,
Таншкавтынк сэпей кургиненк.
Пештинк вачо пекиненк.
Ашо кедьсэ панинек,
Шожда мельсэ пидинек.
Кинь лемезэ кундави,
Кинь лемезэ стувтови,
Илядо кежиявто,
Илядо ордакшкале:
Весе тынь – седейсэнек,
Весе тынь – минек верьсэ.
Минь тынк эйстэ лисинек,
Минь тыненк велявтано.
Садо, весе садо!
Илядо покордаво!
Пачкодезэ, молезэ!